Halaman

Rabu, 15 Desember 2010

OBROLAN DI WARUNG KOPI ( 23 )

DEMAM IRFAN BACHDIM

Perjuangan Bang Pendi buat ngedapetin jodoh kayaknye semakin berat aje. Abisnye semua cewe lagi pade demam Irfan Bachdim, mereka mending milih ngomongin Si Irfan daripade diajak ngutang makan bakso ame Bang Pendi..hehe. Bayangin aje...lagi nyuci, lagi masak ampe lagi belanje, yang diomongin cuma die...parahnye lagi ibu-ibu sampe nenek-nenek juga ikut-ikutan. Kayak tadi pagi...ibu-ibu yang lagi ngerubungin gerobak sayurannye Mas Warno cekakak cekikik ngomongin Si Irfan, ude gitu dateng nenek Ipeh yang langsung nyeletuk " Kalo sama ne..nek...kira...ki..ra...si Irfan ma..sih mao ga ya ?"  Mesam-mesem sambil beneran kunciran rambut. Jelas aje ibu-ibu tambah cekakakan dengernye, Bang Pendi yang kebetulan lewat juga jadi geli sendiri dan langsung nyeletuk " Kalo sama nenek kayaknye Si Irfan kagak bakalan mao nek...! Soalnye die kagak mao pacaran ame cewe di bawah umur...!!" sambil nahan-nahan tawa.
" Lho..kok di bawah umur Pen..?" Tanye Mpok Nenih karna gak ngarti.
" Liat aje giginye Mpok...! pan belon pade tumbuh..." Jawab Bang Pendi sambil cengar-cengir.
" Heh...elu ngeledek gue ya Pen...!!?" Tereak Nek Ipeh sambil nyomot tomat buat ngelempar, Bang Pendi langsung ngacir sambil cekakakan. Sampe di warungnye Mpok Mumun die masih cengar-cengir...

Bang Somad  :  Eh...elu kenape Pen...? Cengar-cengir sendiri kayak orang stres.. ( Bang Somad keheranan )

Bang Pendi    :  Ntu bang....Ibu-ibu ame nenek-nenek ngada-ngada aje. Segala Si Irfan lah di demenin, pade kagak nyadar kali kalo ude pade tue...( sambil mesen kopi ame Mpok Mumun )

Mpok Mumun  :  Yeeee...emangnye kenape Pen !? Dia mah emang pantes jadi idola...ude pinter maen bola, ganteng, banyak duit...siape yang kagak demen. Emangnye elu...! Ude jelek, kagak bise apa-apaan...duit kagak gableg lagi..( gak punya ), siape yang mao demen ame elu...kuntilanak aje...males godain elu..!! ( celetuk Mpok Mumun sambil cekikikan )

Bang Pendi  :  Busyet dah...! Segala kuntilanak lah dibawa-bawa. Aye bukannye iri Mpok, tapi kasihan ame die...Die pan masih mude, kalo sekarang dipuji setinggi langit...nanti kesononye die jadi kurang mawas diri, cepat puas dan terbuai ame kepopulerannye. Contohnye tuh Si Kurniawan , karirnye anjlok gare-gare kurang bisa nahan diri.

Bang Somad  :  Ada benernye juga sih omongan lu Pen....tapi emang susah juga, soalnye kite ude lame kagak ngeliat tim nasional kite berprestasi. Sekarang timnas kita lagi maen bagus-bagusnye, ude gitu ade pemain yang pantes jadi idola...ya jadi klop dah..!! Ada untungnye juga...PSSI menaturalisasi pemaen luar....

Bang Pendi  :  Nah...ntu sebenernye yang aye kurang setuju bang. Pemaen muda kite pan seabreg ( banyak ), masa sih kagak ade yang bagus. Yang penting pan..sistim pembinaan pemaen muda kite, lah..kalo Si Irfan maennye bagus...ntu karena di Belande emang die dibina dengan bagus. Liat aje...nanti juga kalo die ude setaon disini, die maennye juga bakalan kayak orang Indonesia alias biase-biase aje. Sekarang mah...yang mesti dipikirin PSSI, bagaimana caranye agar pemaen-pemaen muda kite...maen bolanye kayak orang Belanda...jangan suruh orang Belanda maennye kayak kite...

Mpok Mumun  :  Ah...sok tau lu Pen..!! Bilang aje kalo elu sewot sendiri gare-gare kagak punye duit buat beli tiket nonton di Senayan ( Mpok Mumun cekikikan lagi, Bang Pendi cuman cengar-cengir sambil ngeganyem singkong goreng ). Tiba-tiba..." Pen...Pen...!! Kemane aje sih lu ? Enyak cariin dari tadi..." Nyak Salmineh nyamperin Bang Pendi.

Bang Pendi  : Emangnye ade ape nyak..? ( tanye Bang Pendi keheranan )

Nyak Salmineh  :  Sono gih ke Senayan...! Beliin enyak tiket, ntar keabisan. Enyak pan pengen ketemu ame Si Irfan Bachdim ( Sambil ngeluarin duit gocapan, Bang Pendi melongo....)

Bang Pendi  :  Busyet dah....nyak...nyak..!! Yang ngada-ngada aja ah....pake mao ke Senayan segale. Lagian duit segini mana dapet beli tiket...kalo dapet juga kebagian duduk diatas atep stadion. Mending buat belanje nyak....

Nyak Salmineh  :  Emang ntu duit belanje...!! Makanye enyak nyuruh babelu nyabut singkong buat makan lu ni hari. Ude sono beliin...!! ( Kate Nyak Salmineh sambil ninggalin warung, Bang Pendi gondok setengah mati sambil ngeremes-remes rambutnye. Bang Somad ame Mpok Mumun cekakakan )
Sampe sigitunye ye...!!??

Diposting oleh NOOR'S di 13.05
Label:

22 komentar:

  1. Hellen15/12/10 13:14

    Hahahaha.... kuntilanak aja nggak demen.... nggak ada yang lebih sadis dari itu ya?
    Yang sabar ya bang Pendi... ini hanya cobaan wkwkwk...

    BalasHapus
  2. Hellen15/12/10 13:26

    lucu-lucu.... bang Pendi emang bisa deh...
    Tapi emang betul sih...Si Irfan bener2 lagi ngebubooming... Saya juga jadi ikut2an nanya si Irfan yang mana sih.. ampe nungguin nonton bola hehehehe

    BalasHapus
  3. NOOR'S15/12/10 15:00

    @ Serba Ter : Nah...dah ketularan demam Si Irfan juga kan. Ya ude Bu..besok kite nonton bareng aja ke Senayan, kalo tiketnya dah habis...kite pura2 jadi pedagang asongan aja, jadi ga perlu tiket...hehe

    BalasHapus
  4. Mulyani Adini15/12/10 15:09

    hahahah...lucu-lucu, lagi2 bikin ketawa..jadi gak ngantuk nich...
    Bener juga bang Pendi..dari pagi,siang,sore malam , irfan aja yang keluar di invotaiment.

    BalasHapus
  5. tfd15/12/10 18:46

    ane suka bepe euy...lebih manis dan eksotis...^^

    BalasHapus
  6. Unknown15/12/10 21:32

    hehehe..kasihan si pendi..lagian belagu sih jad orang. dia iri tuh sama si Irfan.

    BalasHapus
  7. Om Rame16/12/10 03:23

    iyeh Bang. sebenarnya dari puLuhan provinsi dan jutaan generasi muda di negare ini, masa sih barang atu atao dua pemaen boLa berkeLas dunia kagak bisa di dapet. ibaratnya nih yeh, kayak 1 sekoLahan yang siswanya kagak ada atu pun yang LuLus ujian nasionaL. nah ntu yang saLah muridnya, sistem pembeLajarannya, atau kriteria syarat keLuLusan?.

    ngeLiat cara pandang Bang Pendi, giman kaLo aye caLonin aje jadi peLatih pemain boLa (bekeL). huahahahaha......

    BalasHapus
  8. NOOR'S16/12/10 08:59

    @ Ibu Dini : Bener Bu...sekali-kali Bang Pendi kek yg masuk infotaiment...hehe
    @ tfd : selera orang emang beda2 Bu...
    @ Mba Fanny : kayaknya emang gitu Mba :)
    @ Om rame : pelatih bola bekel ? wah mau banget tuh Om...yg maen pan cewe semua...hehe

    BalasHapus
  9. windflowers17/12/10 12:43

    hahaha...ternyata nyak salmineh jg ketularan ibu2 yg bli sayuran wkwk..

    semoga aja timnas kita semakin cantik dlm bermain bola..ni sptnya kemajuan jg ya..hehe..meski masih ada naturalisasi..:)

    BalasHapus
  10. DewiFatma17/12/10 13:42

    Tenang Bang, saya termasuk cewek langka yang nggak demen ama Irfan tapi malah demen ma Bang Pendi. :)

    Emang siapa sih Irfan Bachdim? Kenapa melulu Irfan Bachdim?
    :D :D

    BalasHapus
  11. NOOR'S17/12/10 16:28

    @ Windflowers : Bener Bu...kita sama2 doa'in deh, moga2 aja timnas kita maen bagus...sekarang & seterusnya...
    @ Dewifatma : Ah...bisa aja Ibu, Bang Pendi jadi geer...hehe. Ya ude tunggu dirumah deh...nanti ada kiriman dateng...hehe

    BalasHapus
  12. stroberi17/12/10 17:19

    met sore Pendi..hehehe..bawain permen karet eh...karet gelang aja deh. kan gak suka permen karet

    BalasHapus
  13. Ninda Rahadi18/12/10 16:47

    weeeww saya ngga ngefans kok haaaaha

    BalasHapus
  14. Meutia Halida Khairani19/12/10 20:20

    haduh bangg, masa sih sampe kuntilanak aja kaga demen.
    ntar mpok2 n nyak2 uda ga ngomongin irfan lagi.. si gonzales tuh jadi primadona sekarang

    BalasHapus
  15. catatan kecilku21/12/10 12:59

    Bentar lagi tuh mpok2 ganti rumpiin si Gonzales... kapan ya giliran bang Pendi..?! hahaha

    BalasHapus
  16. the other21/12/10 13:00

    Sabar Bang... si Irfan kan hanya sesaat saja, karena emang sekarang sedang ramai timnas. Entar kalau AFF kelar kan mpok2 itu ganti deket2 ama Bang Pendi... hehehe

    BalasHapus
  17. NOOR'S21/12/10 14:05

    @ Mba Fanny : boleh Mba..tpi bawainnya 1 truk, lumayan buat bungkus nasi uduk 1 taon...hehe
    @ Non Nindya : Bener tuh Neng...mending ngefans sma Bang Pendi aja..hehe
    @ Mpok Meutia & Mba Reni : Iya tuh..sekarang Gonjales kemaren Irfan...memang selera wanita susah ditebak...hehehe

    BalasHapus
  18. nuranuraniku.blogspot.com21/12/10 15:09

    salam sobat
    wah sudah sampai obrolan warung kopi 23ni,
    makin lucu bang Pendinya.
    semoga sukses selalu.

    BalasHapus
  19. fan21/12/10 15:25

    oot : hehe.juri kagak bisa disogok nih.hehe. anti korupsi dah. anti KKN

    BalasHapus
  20. Ummi Ubay21/12/10 19:17

    wahahaa
    bahaya ni bang kalo ibu chika kena demam irfan juga
    bisa2 gx makan ni seharian^^

    BalasHapus
  21. Ferdinand22/12/10 08:50

    Kaya biasa bang.. ane ikt menyimak dengan santai hhe.... buset setlah dihina2 sampe kuntilanak kga ada yg mau ama bang pendi akhirnya setuju jg si Mpok haha.... bener tuh biar gak cepet bangga Bang... kan pemain lain juga sama pentingnya ye... :P

    Oiya maaf seribu masf nie bang ane baru bisa nongol hhe...

    Met aktivitas aja dah.. :P

    BalasHapus
  22. Unknown22/1/11 11:48

    Obrolan yang sangat menarik, fresh dan hidup. Beberapa minggu yang lalu banyak orang yang demam sepakbola. Sepakbola Indonesia ada dipuncak-puncaknya walau akhirnya gagal dan kalah lawan Malaysia. Salah satu pemain idola masyarakat adalah Irfan Bachdim. Betul sekali. Dia tampan, pintar main bola dan tentunya 'sakunya tebal'. Namun yang agak mengecewakan adalah dia gabung dan main di LPI yang akhirnya dia dicoret dan tidak dapat masuk dalam daftar pemain Timnas Indonesia U-23 Pra Olimpiade. Kalau tidak ada 'keajaiban' dan berubah sikap habislah karier dia.

    BalasHapus

Langganan: Posting Komentar (Atom)