Sabtu, 05 November 2011

PATAH RANJANG...EH, HIDUNG

Sehabis bedug Maghrib, saat orang-orang lagi buka puasa, Bang Pendi malah ngeloyor pergi ke warungnye Mpok Mumun. Die pikir, abis ujan-ujan gini enaknye minum kopi susu anget sambil makan pisang goreng...wuiiih mantep dah!. Sambil jalan die juga ngarepin ada orang yang kesurupan yang tiba-tiba die daging kambing...hehe lumayan pan buat nyate. Abis dari taon ke taon belon pernah yang namanye Bang Pendi motong hewan Qurban, yang ada malah Qurban perasaan mulu...hehe.


Lagian Bang Pendi sebenernye trauma deket-deket kambing, abis taon lalu die sempet diseruduk kambing bandot. Bang Pendi sebenernye bingung...pan disitu banyak orang, kenape die doang yang diseruduk bandot?. Orang-orang bilang sih...itu gara-gara bau badannye Bang Pendi sama dengan baunya bandot, jadi pas die deket-deket disangkanye Bang Pendi mao ngerebut pacarnye si kambing bandot...hehe.

Nah, sampe diwarungnye Mpok Mumun, keliatan si Jabrik ude ngejogrog disitu. Langsung deh Bang Pendi pesen kopi sambil basa-basi..

"Dingin-dingin gini, warung belon tutup mpok..? kasian Bang Japra dong dirumah sendirian.." celetuknya sambil nyomot pisang goreng. Tapi Mpok mumun diem aja sambil pasang muka cemberut. "Ya elaaah...muka ditekuk aje mpok, kayak ulet keket" Bang Pendi nerusin becandanye, sambil bersiap kalo-kalo Mpok Mumun ngelempar ulekan sambel kemukanye..hehe.

"Mukalu tuh yang kayak undur-undur!" bales Mpok Mumun kesel sambil nahan-nahan tawa. Bang Pendi lega, paling enggak hidungnye yang pesek nggak nambah mendem kena lempar ulekan sambel..hehe.

"Elu bisa aja Pen...? padahal Mpok mumun dari tadi cembetut mulu, kagak ada omongnye pisan.." bisik si Jabrik.

"Itu mah spontan aja Brik. Kalo ngeliat mukanye kayak gitu, sebenernye gua juga kagak berani ngajak becanda. Emang kenapa sih Mpok Mumun begitu? die lagi patah ranjang sama Bang Japra kali ye...?" bales Bang Pendi, si Jabrik cekikikan.

"Ah, elu ngada-ngada aja Pen. Mane ada patah ranjang, yang ada mah pisah ranjang! Lagian Bang Japra juga pernah bilang kalo ude lama die ama bininye pisah ranjang alias die bedua tidur dikasur yang ranjangnye ude dijual gara-gara ude bunyi kreyat-kreyot.." Si Jabrik ama Bang Pendi langsung ngakak.

"Heh..heh..mulai deh pada ngeres! ngomongin ranjang apaan tuh pake bisik-bisik segala..!?" Mpok Mumun sewot.

"Anu mpok, ngomongin ranjangnye si Jabrik patah kok.." jawab Bang Pendi sambil cekikikan. Tiba-tiba ada angin kenceng, warung Mpok mumun yang cuma terbuat dari batang-batang bambu jadi goyang-goyang, terus bunyi kretek..kretek.

"Eh..patah..eh..patah!" Mpok Mumun sampe latah. Bener aje, nggak lama ada kayu atap warung yang patah dan jatoh persis menimpa hidungnya Bang Pendi. Pletaaaakk..!! 

"Aduuuuh...aww..aww...aww!!" tereak Bang Pendi kesakitan. Ngeliat muka Bang Pendi, Mpok mumun ama si Jabrik bukannye kasian tapi malah ngakak.

"Sebenernye yang patah ntu, ranjangnye si Jabrik ape hidung lu Pen?"  ledek Mpok Mumun sambil cekikikan, si Jabrik ngakak. Beuuuuh...untungnye hidung Bang Pendi kagak panjang kayak punyanye orang bule, jadi ga patah. Yaah...paling banter hidungnya tambah mendem doang...hehe. 

Nah,  sohib-sohib emang kudu hati-hati. Sekarang cuacanya lagi kurang bersahabat, seringkali hujan disertai petir dan angin kenceng. Banyak pohon-pohon yang pada roboh, jangan sampe ntu pohon nimpa hidung sohib-sohib kayak nasibnya Bang Pendi...hehehe.

20 komentar:

  1. waduh disini gak ada ujan nih Bang :(
    tapi kalau berhati2 mah harus dimana aja ya Bang? makasih pesannya, moga selalu inget.

    BalasHapus
  2. ehehe itu kualat sih ledekin si mumun. jadi ketimpe deh idungnya. hahaha

    BalasHapus
  3. untung cuman mendem dikit tuh idung, kalo mendem banyak pan berabe..bang pendi kaga punye idung lagi dah...hihiii

    pesennye oke bang ^_*

    BalasHapus
  4. bang, kalo saya sih patah ati T^T
    *mojoksendirian*curcol*loh*

    BalasHapus
  5. bang pendi dan bang noor
    selamat idul adha
    :)
    *komentar dari wnet

    BalasHapus
  6. Tips utk Bang Pendi : sebelum ketemu ama kambing kudu mandi dulu dengan air kembang 7 rupa ya? hehehe

    BalasHapus
  7. Bang Pendi, biar gak meratapi hidung yang patah terus menerus... yuk bernostalgia aja. Cek disini ya: http://another-reni.blogspot.com/2011/11/mengenang-masa-sd.html

    BalasHapus
  8. wuakakakakak ujung ame awalnye kgak nyambuuung!!
    selamay hari raya idul adhaaaa \(‾▿‾\) \(´▽`)/ (/‾▿‾)/

    BalasHapus
  9. abis mba langsung tutup idung
    bukan karena yg punya blog belom mandi
    cuma mau jaga2 aja jangan hidungku patah ketiban pohon

    BalasHapus
  10. hahahhahhaha...Bang Pendi paling bisa bikin orang ketawa. Patah ranjang istilah dari mane tuch....yang ade pisah ranjang karan di jual. asikkk gak punya ranjang hehheheheh.

    Bang Pendi sih suka usil, makanya kena ranting heheheh

    Emang iya bang, cuaca lagi gak menentu jadi emang kudu hati2

    BalasHapus
  11. @Mba Narti : ditempat Mba kayaknya emang susah ujan ya? mungkin pesennya ganti..."hati2 badai pasir!" hehe..
    @Mba Fanny : Bang Pendi emang selalu kualat klo ngeledekin Mpok Mumun..hehe
    @Mpok Naya : hidung Bang Pendi mah,kagak ketimpa kayu ude mendem dari sononya..hehe
    @Non Clara : waduh..repot dah klo patah hati, soalnya Bang Pendi bingung ngelemnya gimana, hehe
    @Non Ninda : Met Idul Adha juga Non....

    BalasHapus
  12. @Mba Reni : mestinya gitu Mba, tapi ribet klo mao mandi kudu nyari 7 rupa kembang dulu..hehe. Oke Mba, nanti sy mampir...
    @Neng Ipah : nah, itulah kelebihan Bang Pendi. Klo cerita suka ngawwur dan ga nyambung..hehe. Met Idul Adha juga Neng...
    @attayaya-bono : wah, klo cuman tutup hidung kayaknya ga mempan tuh, mending pake helm aja sekalian...haha
    @IbuDini : istilah patah ranjang cuma Bang Pendi yg punya Mba....hehe. Iya tuh bu..emang mesti hati2, musim hujan sampe februari lho....

    BalasHapus
  13. kunjungan gan.,.
    bagi" motivasi.,.
    Semua yang terjadi pasti sudah di atur oleh Tuhan.,.
    di tunggu kunjungan balik.na gan.,.,

    BalasHapus
  14. waduuh .. ceritanya mantap juga bang ,, seru bacanya .. :)

    BalasHapus
  15. salam kenal aja dan makasih banyak atas semua info nya ........

    BalasHapus
  16. Met Siang Gan Holiq..... thnks atas infonya

    BalasHapus
  17. Wah MAkasih Gan atas Infonya ,,,, keren ....

    BalasHapus