Halaman

Kamis, 22 Oktober 2009

OBROLAN DI WARUNG KOPI ( 9 )

Ini hari bang Pendi lagi uring-uringan. Ude bela-belain beli hp seken, eh..kaga ade panggilan juga dari SBY. Boro-boro di telepon..di sms aje kagak, saking penasaran die sms ke nomernye SBY tapi balesannye " emangnye elu siape...!?"  he..he..he. Sebenernye bukan itu yang bikin bang Pendi manyun aje dari tadi, tapi die lagi pusing karena malem minggu ini die ade janji ame neng Yuli buat traktir makan, padahal die lagi kagak gablek ( punya ) duit. Di kantongnye cuman ade duit logam gopean satu biji ame cepean tiga biji, itu juge kembalian beli garem emaknye tadi pagi.

Mau jual hp di malu, abis kemaren pas nawarin ke orang malah bikin dongkol. Boro-boro di tawar, ngeliatnye aje ogah. Yang bikin tambah dongkol..orang ntu malah nyeletuk "Yah..elu nawarin hp kayak gitu, kucing juge bakalan ngibrit di sambit ( lempar ) pake hp kayak gitu..!". Bang Pendi jelas ngedumel, dalem ati die bilang " jelas aje ntu kucing lari, palelu aje gue sambit pake ini bise pitak..!".
Males-malesan die nyatronin warung kopinye mpok Mumun, disitu ude ade bang Mamat ame bang Madi.

Mpok Mumun  : Ude deh..kagak usah pasang tampang lecek, kalo mao ngutang..ngutang aje ( mukenye bang Pendi langsung merah " tau aje...! " pikirnye )

Bang Mamat   : Iye Pen..kalo mao kopi, pesen aje ..! ntar gue yang bayarin.

Bang Pendi     : Nggak ah bang..! Kalo minum kopi aye kagak bise tidur ( pora-pora kaga mao )

Bang Madi     : Bise aje lu Pen..kemaren sore abis dari sini gue liat elu ngorok di pos ronde ( bang Madi nyeletuk sembari ngeganyem singkong goreng )

Bang Pendi    : Itu kan abis ngopi bang ! kan aye bilang kalo minum kopi bukan abis minum kopi. Emangnye bang Madi bise minum kopi sembari tidur ( bang Madi garuk-garuk pale.." Iye juge ye.." )

Bang Mamat  : Ah..banyak cincong lu Pen..! Udeh mpok, bikinin die kopi ntar gampang dah..

Bang Pendi    : He..he jadi kagak enak nih bang ( sambil cengar-cengir )

Mpok Mumun : Jadi enak kaleeee..!

Bang Madi     : Eh..elu malem minggu ade acare ngga Pen ?  mending elu ikut gue kondangan. Nemenin gue..soalnye bini gue lagi sakit ! Sekali-kali ngerasain makanan enak Pen, soalnye kondangannye di gedong. Mao ngga..? ( bang Pendi diem, ngga lame die cengar-cengir )

Mpok Mumun : Di tanye kok malah cengar-cengir Pen..! ntu diajak makan-makan, kaga usah pora-pora lagi. Kaga bae nolak rejeki...! ( sambil cekikikan )

Bang Pendi    : Nggak ah..bang ! aye ude ade janji ame neng Yuli...

Mpok Mumun : Wah..mao-maonya si Yuli di ajak jalan ame elu, paling-paling di ajak nongkrong di pinggir jalan sembari ngitungin mobil yang lewat...( masih cekikikan, bang Mamat ame bang Madi cekakakan )

Abis maghrib bang Pendi ude ngejogrok di depan pos ronde nungguin neng Yuli. Die kaga berani nyamperin ke rumahnye lantaran takut ame nyak Salminah. Dandanannye keren abis...! baju batik, celane kayak orang kantoran, sepatunye juge pantopel...tapi semue minjem ame abang iparnye. Cuman yang dalem aje...yang kayak-kayaknye asli punye die..he..he. Ngga lame neng Yuli nongol.

Neng Yuli     : Sebenernye abang mao ngajak aye kondangan kemane sih bang..?

Bang Pendi   : Ya..ke temen bang Pendi dong..!!  Ude deh..neng Yuli ikut aje, yang penting kite makan enak ( kate bang Pendi sambil gandeng tangannye neng Yuli )

Nyampe di gedong resepsi..( maaf, ceritanye dipotong sutradare..! katenye kalo nyeritain perjalanan sampe ke gedong, kepanjangan..he..he ). Dengan pedenye bang Pendi narik tangan neng Yuli masuk gedong, corat-coret buku tamu terus nyemplungin amplop di gentong yang ude disediain. Lantas salaman ame pengantennye..terus nyari makanan deh..

Neng Yuli   : Temen bang Pendi ternyate kaya juge ye..! makanannye aje enak-enak.. ( sambil minggirin potongan-potongan cabe rawit di piring irisan kambing guling )

Bang Pendi  : Pendi gitu loh...!! ( sambil nyengir en ngeganyem kambing guling juge. Lagi asik-asiknye makan kambing guling, bang Madi nongol sambil nepok bang Pendi )

Bang Madi  : Lah..elu ude disini aje Pen !? Tadi sore gue ajak kaga mao. Eh..elu kenal pengantennye juge Pen..? ( bang Pendi kaget di tegor bang Madi, die keselek ampe batuk-batuk. Irisan kambing guling berase nyangkut di tenggorokan. buru-buru die minum )

Bang Pendi : Eh..bang Madi, ngagetin aje..! eh..sini deh bang ( sambil narik tangan bang Madi ngejauh dari neng Yuli. Neng Yuli ampe bingung )

Bang Madi : Apa-apaan sih Pen..? elu mao pinjem duit..? ( bang Madi juga bingung )

Bang Pendi : Ssst..jangan bilang-bilang neng Yuli ya bang, sebenernye  aye kagak kenal ame pengantennye, aye cuman mao numpang makan gratis doang..! amplop kondangan aje, cuman aye isi serebu...( bang Madi langsung ngakak ampe batuk-batuk )

Bang Madi  :  Pen..Pen..!! emang paling-paling lu... tapi kadang-kadang pinter juge lu, sayangnye kadang-kadang ( bang Pendi ame bang Pendi jadi ngakak bareng )

21 komentar:

  1. wah..pinter juga taktiknya bang pendi ya hehehe.

    BalasHapus
  2. yang kedua...jadi kesimpulan perbincangannya di atas apa bang??? kalo boleh nebak...cara makan gratis dengan modal seribu...he,he,he *bercanda*

    BalasHapus
  3. @ Mba Aisha & becce : Ya..gitu deh..! he..he

    BalasHapus
  4. Go to peace n love in the world

    God is always with us. May the peace and prosperity of the world can be created. Indonesia We invite bloggers to participate reconciling the world. We finished all the hostility and war that had happened. Indonesian peace-loving.

    kerja keras adalah energi kita

    BalasHapus
  5. Hahaha, ampun bang pendi ngarep juga panggilan SBY. Untung kaga dipangiil bang. Kalau dipanggil, takutnya abang jadi gak sempat lagi ngobrol sambil ngupi dimari, hehe. Nice posting sobat.

    BalasHapus
  6. @ Mr Peace : wah...bang Pendi puyeng dah, ngartiinnye. Tapi yang jelas..walau usil bang Pendi cinte damai ko...he..he, btw makasih dah mampir

    BalasHapus
  7. ya udah deh besok saya posting bahasa indonesia terus atau bahasa betwi
    hhehheheh
    salam persahabatan
    kerja keras adalah energi kita

    BalasHapus
  8. henny pikir bang pendi juga masuk dalam kabinet SBY. bisa seru rapat nanti, ada yang bicara dengan logat betawi :)

    BalasHapus
  9. Hahaha...lucu...cerita INSPIRATIF abis....
    Oh y, ngemeng2, p y yg dpkirin si pengantin wktu nglihat muka bang pendi..."ni siapa sih? Kayaknya nggak kenal deh.... Apa dy ni temen gue wktu msh bayi ye??"
    hwakakakak....

    INSPIRATIF BANG!!!

    BalasHapus
  10. dasar pendi dodol. he hehe..ngutang aja mikirnya. suruh kerja dong, Noor. ha haha..

    BalasHapus
  11. hadooohh ternyata gitu, kekekek
    mmhh ini adegan kaya lagi baca salah satu cerita karikatur di lagak jakarta :)

    BalasHapus
  12. salam kenal bos pendi
    riswan pikir bang pendi juga masuk dalam kabinet SBY. bisa seru rapat nanti, ada yang bicara dengan logat betawi
    hehheheheh.........
    salam persabatan sekses sellu buat kamu
    kerja keras adalah energi kita

    BalasHapus
  13. salam sobat
    wah benar2 pelit nich bang PENDI,,masa amplop cuma diisi 1000 rupiah sih,,
    ngga kenal pengantenya.,,datang kondangan.

    BalasHapus
  14. Akal si Pendi...!! Hahaha.., masih ngojek payung dia..? Entar Yuli aku kasih tau ah kerjaan si Pendi sebenarnya... hehehe

    BalasHapus
  15. salam sobat
    banyak sahabat yang respons nich,,
    artikel bang PENDI..

    BalasHapus
  16. Bang pendi mo jadi mentri ya. Mentri minterin cewek haha...mantab

    BalasHapus
  17. Mampir lagi, mo liat Bang pendi.

    BalasHapus
  18. updateeeee....cape nih nungguinya

    BalasHapus
  19. @ mba Fanny : maaf ya mba...bang Pendi masih atit demam...blom bise keluyuran atawe minum kopi di warungnye mpok Mumun..he..he

    BalasHapus