Halaman

Rabu, 14 Oktober 2009

OBROLAN DI WARUNG KOPI ( 8 )

Hari ude tengari bolong, bang Pendi keliatan lagi jalan sambil sibuk mencet-mencet huruf pade hp jadulnye. Di bandingkan dengan anak-anak abg yang ude pade gape ngetik sms..bang Pendi pastinye kalah jauh. Boro-boro bise cepet, mao ngetik sms aje hurufnye masih nyari-nyari. Saking seriusnye, die kaga liat ade batu gede ngejogrok ditengah jalan. Bang Pendipun kesandung dan dengan sukses nyusruk ketanah. Gedubrakkkk..!! gabrukkkk...!!. Pas di depan mukanye ada tai kebo,tapi die masih beruntung karena ade si Untung ame si Slamet. Jadi die bisa bilang " Untung gue kaga nibanin tai kebo, Slamet deh gue...slamet..slamet !". Tapi sialnye banyak bocah-bocah pade ngeliat die nyusruk dan ngetawain die.

Bang Pendi : Heh...! bukannye pade nolongin, malah ngetawain..sono..sono pegi..!! ( bang Pendi sewot sambil ngelempar sendal jepitnye )

Bocah-bocah : Weeee..!! kaga kena ( bocah-bocah bukannye takut tapi malah ngeledek. Salah satunye malah bawa lari sendal jepitnye bang Pendi )

Bang Pendi : Heh..heh..! mao di bawa kemana sendal gua. Balikin ga..!! ( tereak bang Pendi sambil ngejar ntu bocah ) " set dah..! ntu anak, kaga ade takut-takutnye ama gua.." ( gerutu bang Pendi )
Ngga lama bang Pendi sampe di warung kopinye mpok Mumun sambil ngos-ngosan.

Mpok Mumun : Eh..kenape ngos-ngosan gitu Pen..? kayak baru dikejar maling aje..( tanyanye keheranan )

Bang Pendi : Sembarangan aje..! yang ade aye ngejar maling, masak dikejar maling...( sewotnye ame bocah2 masih kebawa )

Mpok Mumun : Eh..kirain ! ( sambil cekikikan )

Bang Mamat : Terus elu kenape Pen..?

Bang Pendi : Itu bang...tadi lagi aye asik sms eh..kepaduk, ya udeh..aye jadi nyusruk. Eh..bocah-bocah pade ngetawain ( jawab bang Pendi setengah meringis, tapi bang Mamat, bang Somad ame mpok Mumun malah ngakak bareng )

Bang Somad : Pen..pen ! ngeliat mukalu aje orang-orang pade katawa, apelagi ngeliat elu nyusruk ( ngakak lagi )

Bang Mamat : Salah lu sndiri Pen, sms-an sembari jalan. Lagian gaya amatlu pake bawa-bawa hp segala, kerjaan cuma metik ninjo ame ngojek payung aje..

Mpok Mumun : Oh..die lagi nunggu telepon dari SBY kali bang ! kali-kali aje nanti die diangkat jadi menteri, paling ngga jadi menteri MENPERPA..

Bang Somad : Menteri apaan tuh mpok ? ( jadi penasaran )

Mpok Mumun : Menteri Perojekan Payung ( mpok Mumun cekikikan, bang Mamat ame bang Somad cekakakan )

Bang Pendi : Seneeeng..! seneeeng..! ( setengah dongkol,dalem ati bang Pendi " awas lu pade..tunggu aje ! ) Eh..aye numpang kencing mpok...

Mpok Mumun : Set dah..! elu kesini mao numpang kencing doang Pen. Elu kaga mesen kopi..?

Bang Pendi : Aye kaga usah pesen mpok, ntar juge ade yang gratisan ( sambil ngeloyor kebelakang. Bang Mamat, bang Somad ame mpok Mumun berpandangan...dalem ati masing-masing " weee..siapa yang mao ngasih gratisan ? kaga dah.." )
Ngga lame bang Mamat grasak-grusuk ngambil hp dari kantongnye, ade sms yang masuk.

Bang Mamat : Astage..!! rumah gue kebakaran Mad..( ujar bang Mamat panik, buru-buru bang Mamat lari ampe kesarug-sarug. Bang Somad ikutan lari )

Mpok Mumun : Pen..Pen ! rumah bang Mamat kebakaran Pen..( tereak mpok Mumun ikut-ikutan panik, tapi bang Pendi nongol sambil cengengesan ). Lah..elu bukannye cepet bantuin, kok..malah cengengesan..?

Bang Pendi : Kan tadi aye bilang mpok..ade yang ngasih kopi gratisan. Tuh..punyanye bang Mamat ame bang Somad masih penuh..( masih cengengesan )

Mpok Mumun : Oh...jadi elu ngerjain bang Mamat barusan, kuwalat lu Pen...!! ( rade kesel, bang Pendi cuek aje sambil nguyup kopinye bang Mamat yang masih rade anget. Tapi ngga lame bang Mamat ame bang Somad ude balik lagi, bang Pendi kaget..mulutnye yang lagi nguyup kopi jadi keselek ampe batuk-batuk )

Mpok Mumun : Nah...nah.. baru tau rase deh lu ! minum tuh kopi gratisan..

Bang Pendi buru-buru lari ketakutan, karena buru-buru bang Pendi kaga merhatiin jalanan dan kepaduk lagi...en so pasti nyusruk lagi. Tapi kali ini mukanye persis nibanin tai kebo. Bang Mamat ame bang Somad yang tadinye mau marah jadi ketawa ngakak ampe guling-guling. 

Bang Pendi  :   Kebo sialan, naro tai sembarangan aje...!! ( gerutu bin ngedumel..)

Si Kebo  :  Enak aje lu ngomong..! elu yang sialan, kenape jatohnya ditempat yang ade tainye...( si kebo sewot, untung bang Pendi kagak denger )

13 komentar:

  1. Kok same ye aye ame bang Pendi, nunggu telpon dari Cikeas, hehe. Becanda ya sobat. Postingan ini santai tapi bernas dan menyegarkan.

    BalasHapus
  2. wah...nggak kalah sama lenong rumpi bro lucunya hehehe

    BalasHapus
  3. hihihi..cerita bang pendi, mpok mumun dan bang somad ini selalu sukses bikin henny ketawa geli. lanjutin lagi dong ceritanya, jangan mau kalah sama sinetron tersanjung!!

    BalasHapus
  4. kasihan bgt sih lu Pendi. he he he..makanya jalan pake mata juga, jgn kaki aja . ha ha ha...

    BalasHapus
  5. wkwkwkwk ....

    masak mau ngopi gratis aja pake acara "rumah kebakaran"

    siiiipppp

    BalasHapus
  6. salam sobat
    wah,,sampai obrolan kopi episode 8 nich
    masih bang Pendi nich,,,
    masih bikin cerita yang lucu,,hi,,hi
    siip deh sobat,,teruskan berkarya.

    BalasHapus
  7. Kunjungan pertama.......
    hahahaha lucu, walaupun sy lgsg baca yg ke-8...
    Bangm klo ada waktu bertandanglah ke blog jelek saya...Dan klo ikhlas,,,insert my link into your blogroll

    BalasHapus
  8. Kayaknya Bang Pendi emang dilahirin buat menerima kesialan, Tul kagak ? Sms kagak becus, kena tai kebo lah. Kayaknye ane kudu baca postingan sebelumnye biar tambah seru.

    BalasHapus
  9. Pendi.. Pendi..., selalu saja jadi pelengkap penderita disini.
    Ceritanya keren-2 lho mas..., asyik kayaknya kalau bisa ditampilkan di Tivi... ^_^

    BalasHapus
  10. heheheh... mentri perojekan payung... kayak nya asik juga tuh.. seneng bgt ma.. obrolan warkop neee.... sipppp bgt dah mas..

    BalasHapus
  11. http://shortlecture.blogspot.com/2009/10/treasure-is-not-everything.html

    BalasHapus
  12. He..he..he..Kalau di tempat saya namanya 'kesandung' Mas...
    Iso-iso wae mas ngarang gojekan segar kaya gitu. Bisa dikomik-kan nantinya. Atau seperti kata Mbak AISHALIFE-LINE bisa jadi skenario lenong!

    BalasHapus
  13. menteri perojekan cocok juga. kapan diresmikan nih?

    BalasHapus