Jumat, 24 Desember 2010

KUTEMUKAN JODOH DI PINGGIR KALI

Cerita kali ini disetting seperti era 70-an, soalnye kalo jaman sekarang...mane ade kali di Jakarta yang aer nye bersih dan bening. Ude jarang-jarang ngeliat orang mancing  di kali dapet ikan yang gede, kalo ade..paling ikang ikan sapu-sapu yang orang ngeliat mukanye aje ude geli. Nah...apelagi ngeliat perawan-perawan pade nyuci atawe mandi di kali....Beeeuuuhhhh...kagak bakalan dah ! paling-paling ngeliat orang nongkrong karena kebelet...hehe.

Pada zaman dahulu kala ( kayak cerita anak-anak ye...!? hehe ), Bang Pendi pergi mancing di kali Ciliwung.  Die emang mao cari ikan tapi tujuan sebenernye..ya..itu tadi, ngintip perawan-perawan pade mandi ( padahal Bang Pendi pernah bintitan segede telor gajah lho...tapi kagak ade kapok-kapoknye die ngintip...hehe ). Bang Pendi sebenernye ude lama pengen kayak Jaka Tarub yang bise ngawinin bidadari karena ngumpetin selendangnye. Nah...Bang Pendi juga pengen tuh ngumpetin baju-bajunye ntu perawan yang lagi mandi, tapi boro-boro kesampean....Abis Bang Pendi masih jauh aje...baunye ude kedengeran, jadi belon sempet ngapa-ngapain die ude ditereakin..." Awas lu Pen..deket-deket sini !! Gue timpuk batu rame-rame baru nyaho Lu...!" ( Bang Pendi jelas aje keder...walo yang ngancem die ntu perawan-perawan tapi kalo ditimpukin ame batu tetep aje kepala benjut juga. Coba kalo ngancemnye ganti..." Awas lu Pen...deket-deket sini ! Gue perkosa rame-rame baru tau lu.." wah..kalo gitu mah...Bang Pendi nekat-nekatin deh ! hehehe ).

Hari ini Bang Pendi boleh dibilang agak beruntung. Lagi asik tarik-tarikan ame udang...die ngeliat ade cewe megap-megap di tengah kali. Bang Pendi langsung blingsatan pengen nolongin tapi die ragu-ragu, soalnye die kagak bise berenang...gaya berenang yang die tau cuman gaya batu alias sekali nyebur kagak nongol-nongol lagi...hehe. Untungnye die bawa tali tambang...( kalo yang ini emang disuruh bawa tali ame sutradara...hehe ), akhirnye ujung tali die iket ke batu segede kepelan tangan. Lemparan pertama kagak nyampe dan lemparan kedua.....Plettaaakk..!! ( Ntu batu sukses mendarat di mbun-mbunan kepala ntu cewe...Oon ye !? hehe ), jelas aje ntu cewe langsung semaput lalu tenggelem, ngeliat gitu Bang Pendi panik...mao gak mao die nyebur buat nolongin. Bermodal tali yang sempet die iket ke pohon toge...eh..pohon kelapa, die coba narik ntu cewe ke pinggir kali.
Akhirnye dengan semangat 46, die berhasil juga. Nah...ntu awal cerita Bang pendi punya demenan. Kalo inget...nanti ceritanye bersambung deh...hehe

12 komentar:

  1. oh itu toh awalnya. jadi penasaran deh.

    BalasHapus
  2. hahahhahah.....ngantuknya jadi hilang, gara2 baca ini...
    Ternyata Bang Pendi emang usil habis ya..

    BalasHapus
  3. ahahahahahaaaa
    ngakakk :D

    BalasHapus
  4. Awas lho ya kalau sampai gak inget ngelanjutin cerita yg belum kelar ini... *ngancam*

    BalasHapus
  5. Moga2 aja ceweknya cakep... hehehe

    BalasHapus
  6. wkwkwkwkwkwkwk
    ini abang bisa aja...
    semoga nggak jelek2 amat ya Bang

    eh
    btw ada award di sini
    http://minepoemss.blogspot.com/
    silahkan di jemput ya

    BalasHapus
  7. jadi pengen ndengerin baunya bang pendi. pengen juga ngliat gajah bertelor. Ade-ade aje neh penulis naskahnye. Tapi inget ye, jangan ampe kagak dilanjutin neh cerite, bukannye ape-ape, udeh kadung ngajak tetangge pada ikut penasaran . hehehe...

    BalasHapus
  8. he..he.. ada2 aja bang pendi ne.. ane tggu crita slnjutnya y...

    BalasHapus
  9. bawain stoples kue natal. tapi kuenya dah abis. hehee

    BalasHapus
  10. Salam kenal.... Yah kalo jodoh nda kemana??? Tapi mirip2 sama cerita Jaka Tarub memang yah,tapi beda kok!!!!!

    BalasHapus
  11. anak gajah aja udah segede aLaihim, apaLagi teLornya yah. nah Lho. wkwkwkwk....

    kaLo enggak saLah di daerah Jaksel dari masyarakat Betawi masih ada tuh Bang, aktifis yang ngurusin kaLi biar bersih dari berbagai poLusi Lingkungan.

    BalasHapus
  12. kalau memang jodoh, dimanapun tempatnya pasti cocok dach...

    BalasHapus