Halaman

Selasa, 11 Januari 2011

SALAH MASUK

" Briiikkk.....Jabriiikkk...!! Hah...dasar kodok bonsai, ditungguin lama bangat..." Bang Pendi mulai kesel kelamaan nungguin Si Jabrik. Dari baju yang tadi Bang Pendi rapi sampe sekarang lecek, dari yang tadinye wangi sampe luntur tuh wanginye...Si Jabrik belon juga nongol. Ngga lame Si Jabrik nongol juga...
" Busyeet dah...!! Ngapain aje sih lu lama bangat ?"
" Ya elah Pen....Gue pan mesti mandi dulu, belon dandannye..."
" Mandi setaon..! kayak perawan aje lu...mandinye lama. Lagian elu mah kagak perlu repot-repot pake dandan segala, pake apaan juga soalnye elu kagak pantes....tetep aje mukalu lecek bin demek..!!"
" Ya elah...segitu sewotnye Pen ! Eh..ngomong-ngomong, emangnye elu ude pernah ngintip perawan mandi ? Siapa Pen..? " Si Jabrik penasaran.
" Iye...pengen lu !? Noh...Si Nina ponakan gue yang baru 9 bulan, pas dimandiin emaknye. Ayo dah cepetan ! Bang Mamat ude nungguin dari tadi noh..."

Di deket warung kopinye Mpok Mumun emang ude ngejogrog Bang Mamat ame bininye dalem mobil, ade juga Mpok Mumun ame lakinye. rencananye emang mereka pade mao pegi kondangan ke rumah besannye Bang Rojali tetangga satu Rt di Citayem. Karena jaraknye lumayan jauh...mao kagak mao dah Bang Mamat bawa mobil buat bareng-bareng kesono...
" Gue naek lewat mane nih Pen...?" Tanye Si Jabrik pas nungguin Bang Pendi masuk ke mobil.
" Elu mendingan masuk lewat knalpot aje Brik....Elu pan sama cemongnye ame ntu knalpot.." jawab Bang Pendi asal sambil nyengir.
" Kedengerannye sewot banget Pen...!? Ude laper lu ye.., pengen cepet-cepet makan disono ?" Ledek Mpok Mumun.
" Ya iyalah Mpok...tekor bandar kalo kondangan kagak makan !"
" Ngomong-ngomong elu ngasih amplop gak Pen ? Jangan-jangan elu bedue cuman pengen makannye doang...Ngasih amplop kagak ade isinye..." Sambung Bang Mamat, semua pade ketawa.
" Yang penting judulnye ngasih amplop...Bang " Jawab bang Pendi sambil mesam-mesem jawa.

Sampe tempat kondangan, tamu yang dateng pas lagi rame-ramenye. Orang yang mao salaman aje sampe ngantri kayak orang antre beli cabe...
" Wah...Brik, kayaknye lama kalo nungguin salaman dulu. Mending kite langsung makan aje nyok...! Perut gue ude laper nih..." Ajak Bang Pendi.
" Ayo dah...." si Jabrik juga hayo aja. Akhirnye tanpa ngomong-ngomong ame bang Mamat juga Mpok mumun, die bedue langsung ngeloyor ke meja prasmanan. Apelagi gurame gorengnye ude pasrah siap diembat....serbuuu !!
" Bang Mamat...kayak-kayaknye kite salah masuk nih bang. Ntu liat pengantennye...kayaknye bukan Si Siti anaknye Bang Rojali " Kate mpok Mumun sambil celingak-celinguk dari jauh.
" Wah..iye ye..! Itu mah bukannye Si Rojali....Kenape tadi kite kagak ngeliat plangnye ye..."
" Abis kebanyakan orang sih Bang..."
" Ya ude kite balik..! Eh...Si Pendi ame Si Jabrik pade kemane...? Ntu bedue cepet amat ngilangnye..." Tanya Bang Mamat. Akhirnye mereka berempat laki-bini celingak-celinguk nyariin bang Pendi ame Si Jabrik.

" Nah...ntu die bedua !" Kate Mpok Mumun sambil nyamperin. " Ya Allah...elu bedue maen makan aje. ayo kite pegi..! Kite salah masuk..." Kate mpok mumun lagi.
" Ta.. elah Mpok, pelan-pelan kenape ngomongnye....Kite pan jadi malu..." Kate Bang Pendi.
" Elu bedue sih..kerjaannye gegares mulu ! Ayo dah cepetan..." Bang Pendi ame Si Jabrik pun naroh piring makan pelan-pelan, tengok kiri-kanan sambil cengar-cengir malu karena diliatin orang yang lagi pade senyam-senyum geli ngeliat tingkah die bedua. " Hooiii...mau kemana hooiii...Abis makan bayar hooiii..." Ada yang ngeledek begitu. bang Pendi ame si jabrik buru-buru ngacir nyusul Mpok mumun. Untung...makannye tadi pas banget ude abis, jadi kagak tekor-tekor amat....untung malah, kagak kondangan tapi dapet makan !! Hehehehe.....

32 komentar:

  1. Jiah... Bange pendi ama si Jabrik nie yg dipikirin Perut mulu sih haha.... pake ada acara salah masuk ruimah penganten lagi haha... untung'e bang ntuh tamu2 kga tau klo bang pendi salah masuk haha.. nha terus akhirnya nyampe di tempat tujuan kga bang.. jangan2 kga nemu tempat kawinannya siti nie haha....

    Semangat Terus Bang.. ane pamit dlu ye..

    BalasHapus
  2. pernah kepikiran untuk melakukan hal yang sama. hahha, tapi belom ada kesempatan

    BalasHapus
  3. Pengalaman 'salah masuk hajatan' yang bikin kita tersenyum geli. Hal yang dapat saja terjadi di sekitar kita. Bulan Muharram kemarin tidak kami temui orang yang mempunyai hajat baik itu mantu atau sunatan. Namun mulai bulan Shafar ini sudah mulai ada orang yang hajatan terutama mantu. Di daerah kami undangan manten biasanya sudah dilengkapi dengan foto mempelai berdua dan denah lokasi hajatan. Disamping itu seringkali kami temui di pinggir jalan arah menuju rumah temanten ada penunjuk 'nama yang punya gawe'. Waktu kami serombongan menghadiri hajatan manten di Surabaya bulan Dzulhijjah tahun lalu, juga hampir saja 'salah masuk' seperti Bang Pendi & si Jabrik, untungnya dipintu masuk ditanya 'petugas', ternyata dalam satu gedung dan dalam waktu bersamaan ada 2 hajatan. Tujuan kami ada di lantai 'paling atas'. Kami tidak dapat membayangkan 'malunya' bila dulu 'salah masuk' seperti si Jabrik.

    BalasHapus
  4. Hei... abis makan bayar dong, kok ngeloyor pergi begitu saja sih? :p

    BalasHapus
  5. hahaha, untung aja udah sempat makan. jadi masih untung... :p

    BalasHapus
  6. Aduh...bang Pendi kalau udah urusan perut aja maunya cepetan.
    sampai2 gak lihat plang main ambil menu aja...ikan guraminya udah mangil2 ya Bang

    BalasHapus
  7. ha ha ha..dasar aji mumpung nih.

    BalasHapus
  8. sering2 aja bang :p
    biar dapet gratisan :p

    BalasHapus
  9. ada aja jalan bwt makan gratis hihihi...:D

    BalasHapus
  10. aye pesenin kopi ke mpok mumun dong ah...
    gulanya banyakan ya

    BalasHapus
  11. @ Ferdinand : sebenernye tamu laen pade tau tapi Bang Pendi cuek aje yang penting ude kenyang...hehe
    @ Sapidudunk : Nanti kalo ada kesempatan, ajak2 Bang Pendi ya...hehe
    @ Herdoni Wahyono : Bener tuh Om, bulan ini memang banyak yg hajatan bahkan di kampungnye Bang Pendi dalam satu malam bisa ada 3 tempat. Kalau ada tamu yang datang dari jauh, salah masuk tempat hajatan kemungkinan besar bisa terjadi kalau tidak teliti atau keburu laper kayak Bang Pendi....hehe
    @ Mba Reni : Bang Pendi memang untung, si empunya hajatan yang rugi...hehe
    @ Ibu Dini : Bang Pendi memang paling nafsu kalo ngeliat makanan gratis..hehe
    @ Mba Fanny : bukan aji mumpung Mba...pan ga sengaja...hehe
    @ Non Chika : Maunya sih..begitu..hehe
    @ Windflowers : Bang Pendi gitu lho....:)
    @ Mas Slamet : Warungnye masih tutup Bang, nanti deh aye pesenin klo dah buka :)

    BalasHapus
  12. hahahaha...., jadi inget pengaLaman waktu ntu. pernah saLah masuk juga sih, waktu kondangan di gedung rupanya ada 2 tempat yang pengantenan. sadarnya pas masup terus saLaman sama penganten kok enggak ada yang dikenaL yah? *sambiL ceLingukan*. tapi udah kadung masuk, yah dengan sangat terpaksa harus ngegares duLu ngormatin tuan hajat. abis ntu, keLuarnya kagak pamit Lagi. hehehehe....

    BalasHapus
  13. behhh,, lumayan tuh ngisi perut. asal amplop nya blm di taro aja. *gak mau rugi*ngahaha

    BalasHapus
  14. Hahay... akhirnya bang pendi kna batunya... rasain noh...

    BalasHapus
  15. wkwkwkwk.. dulu pernah juga waktu.. malunya setengah iduuup..wkwkwkwk

    BalasHapus
  16. pertamanya salah masuk, ntar yang kedua jangan-jangan salah ngasih amplop, amplop kosong yang di kasih. hehehe...Oh, itu mah ga salah yah, emang begitu niatnya bang Pendi. Hihihi..

    BalasHapus
  17. jiaaaaaaaaaaaaaaaaah,,, kok bisa salah gt? salah alamat atau salah hari dtgnya? untung aja ga salah dtg pas anak pak SBY nikah kmrn hahaahaha

    btw, kodok bonsai kyk paan sih bang hahahahaha

    BalasHapus
  18. haha bang Pendi ama Si Jabrik emang konyol, udah salah masuk main embat aja...
    Ditunggu cerita selanjutnya..

    BalasHapus
  19. Huahaha...... ane kira tamu laen kaga tau, ternyata pada tau juga haha.. tapi ntuh keluarga penganten tau kga klo ada Tamu kga diundang kaya bang pendi N Jabrik :P hhe...

    Heppi Priday Bang :P

    BalasHapus
  20. yang penting untung hahahaa

    BalasHapus
  21. hehehe.. iia... yg pnting untung.. kang.. tradisi kondangan, makan sesuai sama jumlah nominal angpau yg kita beri.. saiia agak kurang sreg iia kang ;(

    BalasHapus
  22. wach,sya salah masuk gak ya..
    hhe hhe..
    lamz knal ka..

    BalasHapus
  23. wah, tulisannya bagus bang...
    akhirnye aye nemu blog orang batavia... pan aye lagi belajar budaye ame bahasa betawi, soalnya pan bakal laki aye juga orang betawi :D

    BalasHapus
  24. aku datang.... sebelum ngacir, boleh aku minta tanda tangan bang pendi dulu!!! lumayan tuk d pajang di dapur,,hehehe

    BalasHapus
  25. hihi...jd inget dulu bgt, pas jaga buku tamu di hajatan tetangga prnah ada tamu yg minta bongkar amplop krn salah msuk pesta katanya..weew

    salam sy

    kbr melegakan tlh dirilis http://pedulisausan.blogspot.com/ tetap mhon do'anya

    BalasHapus
  26. wahahhahhaha
    numpang ketawa ketiwi aja bang...
    ehhehehhe

    BalasHapus
  27. wah bisa untung dua kali nih si jabrik, salah masuk dan makan gratis dan
    entar masuk ke tujuan yang sebenarnya cuman ngasih amplop kosong dan tentu makan lagi.
    ... hhhh
    kebetulan saya belum pernah salah masuk jadi belum punya pengalaman

    BalasHapus
  28. ampiran malam menjelang bu2 nii kang :)

    BalasHapus
  29. hahahaha...ada2 saja, kok bisa sampe salah begitu.
    lucu plus malu-maluin

    BalasHapus
  30. Walah... seru banget cerita ttg Bang Pendi. hahaha

    BalasHapus
  31. Kocaaaak... =)) =))

    BalasHapus
  32. kodok bonsai tuh kayak apa ya..ngebayangin dulu akh. hehee

    BalasHapus