Halaman

Senin, 07 Februari 2011

OBROLAN DI WARUNG KOPI ( 24 )

BEREBUT BANGKU, EH... KURSI

Bang Pendi  : Gut moning epribadi...! ( Sapa Bang Pendi sambil cengar-cengir ). Wah...dah lama nggak kesini makin maju dan gede aje nih Mpok...

Mpok Mumun  : Apanye yang maju..!? Elu ngomong maju...maju gitu jangan pake ngeliatin dada gue dong !! Pagi-pagi ude nyari perkare aje Lu..., lagian pas jadi pengangguran baru mampir lagilu kesini, kemaren lagi kerja kemane aje...( Mpok Mumun sewot )

Bang Pendi   :  Ya elah Mpok...Pengangguran jangan dibawe-bawe ape ! Lagian bukan aye aje yang pengangguran, noh...sarjana-sarjana  banyak juga yang nganggur. Ntar liat aje, dikit-dikit lagi aye jadi ketua PSSI...jangankan nih warung, Mpok mumunnye sekalian aye beli....

Mpok Mumun  : Heh...sembarangan aje Lu ngomong...!! ( Mpok mumun mendelik makin sewot, Bang Pendi cuman mesam-mesem sambil nyomot pisang goreng )

Bang Mamat  :  Lagu lu Pen mao jadi ketua PSSI, Om George Toisutta yang jenderal aje masih mao dijegal ! Gimane elu yang cuma tikus nyingnying... ( Bang Mamat nyengir kadal )

Mpok Mumun  :  Makanye sekolah yang tinggi Pen, biar jadi pinter kayak die-die pade...

Bang Pendi  :  Hah...ngapain juga sekolah tinggi-tinggi, pas ude pinter...ilmunye dipake buat korupsi. Emangnye Mpok kagak denger kalo anggota DPR pade ditangkepin, nah...die-die pade korupsi tuh...!. Lagian sekarang orang-orang berebut jadi ketua PSSI bukan pade mikirin prestasi, urusan prestasi belakangan yang penting kantong keisi...( sambil ngeganyem singkong goreng )

Bang Mamat  :  Kagak semua orang begitu Pen....

Bang Pendi  :  Ya...emang sih. Tapi kenape orang-orang ngotot berebut jadi ketua, terus kenape juga orang ngotot kagak mao turun alias diganti kalo kagak banyak duitnye. Belon lagi yang berebut jadi gubernur atawe presiden kayak di Mesir sekarang. Pernah denger nggak kalo ade orang yang berebut jadi ketua RT ? Nggak pernah kan..!? Lha...emang kagak ade duitnye makanye orang pade males jadi RT. Kayak RT kita sekarang nih...beeuh...ude ogah-ogahan tuh jadi RT ! Keliatan batang idungnye aje cuman pas arisan doang....( sambil nyaplok singkong lagi...)

Pak RT  :  Batang hidungnye siapa Pen..? ( suara berat dibelakang Bang Pendi )

Bang Pendi  :  Ya...pak errr....Eh pak RT, mao ngopi pak..? Bang Mamat geseran dikit dong, pak RT kita mao duduk nih...( Basa-basi Bang Pendi pas tau ada pak RT nongol. Terus buru-buru minum kopinye, singkongnye nyangkut ditenggorokan karena kaget )

Mpok Mumun  :  Hayooo lu Pen, ngomong ape tadi luuuu...( Bang Pendi bangun dari duduknye..)

Pak RT         :  Eh...kamu mau kemana Pen.!?

Bang Pendi  :  Eh...anu pak, perut aye mules kebanyakan makan ubi ! Nanti kalo aye kentut didepan pak RT, pan aye kagak enak....permisi dulu ye pak ( sambil cengar-cengir )

Bang Mamat  :  Bise aje lu ngelesnye Pen....! ( Bang Mamat ame Mpok Mumun ngakak, Bang Pendi buru-buru ngacir )

52 komentar:

  1. Wahhh Bang Pendi suka Ubi juga rupanya ya....
    Lama tak mendengar pertengkaran Bang Pendi ame Mpok Mumun jadi kangen.
    Semoga hari ini dan berikutnya berjalan dengan lancar ya Bang...salam untuk keluarga juga Mpok Mumun yang makin seksi kelihatannya.

    BalasHapus
  2. hakakaka bang pendi ada2 aja, tukang ngeles xD

    BalasHapus
  3. hai bang pendi^^
    dah lama chika gx mampir kesini

    diii
    knapa gx kentut disana aja bang
    hihi
    biar semua tambah ngakak :D

    BalasHapus
  4. ha ha ha...dasar Pendi....yg diliatin dada orang aja. hi hi hi...jorok pula ngomongin soal kentut....duuh, insaf pen ..insaff

    BalasHapus
  5. bang pendi!!! bayar dulu bang ubi ma kopinye
    lu pan belon bayar pen!!
    *mewakili mpok minah*

    BalasHapus
  6. beli ubi bonus dada asik tuh bang
    hahah

    BalasHapus
  7. ahahah...ada2 aje dagh akh
    gokil brow

    BalasHapus
  8. hahaahhah..bablas ngacirnye..hihihi..ketauan ngrasanin pak er te..hahaha..

    tp tanpa RT, data ke pusat kagak bakalan ada tuh...:D

    BalasHapus
  9. Kentutnya masukkin botol lagi ajah bang hiihiii

    BalasHapus
  10. hahaaa.... ^__^ ga je banget bang pendi

    BalasHapus
  11. Bang Pendi pamit kebelakang ngambil botol mo ngisi angin akibat kebanyakan ubi

    BalasHapus
  12. makanya bangg, jangan asal ngomong. ada orangnya tuh dibelakang. hahaha

    BalasHapus
  13. Bang Pendi mau jadi ketua PSSI? sah-sah aja ya kan bang Pendi...
    Siapa tahu kalau bang Pendi jadi ketua, persepakbolaan Indonesia makin maju... kagak ada yang korupsi..
    Cuman satu masalahnya, ntar atlitnya suka ngeles nggak ya? hehehe

    BalasHapus
  14. ehh, ketauan nih ye :D
    ati ati baaang :D

    BalasHapus
  15. wahaha.. bang pendi ngelesnya jago kayak tukang bajaj.

    asal jangan trus kentut disimpen di botol lagi aja tuh.. hehe

    BalasHapus
  16. huahahahaha bener banget tuuuuh! bahkan kalo dikomplek perumahan gitu bingung loh kadang pak RT nya yang mana =.=

    BalasHapus
  17. wah, betawi ya om...?? :)
    salam kenal...

    BalasHapus
  18. salam kenal, aku udh follow lho.....ha ha ha kocak banget tuh cerita betawinya.....

    BalasHapus
  19. Assalamualaikum wr.wb.
    Salam sillaturrohmi bang,,,
    Follow completed,,,
    Dan tak lupa salam kenal dari Mimi bang,,,

    BalasHapus
  20. hik...hiks...lucu beud.

    BalasHapus
  21. ^_^ bang,...fya mampir niih

    BalasHapus
  22. Obrolan khas warung kopi, wakakaka lucu...

    BalasHapus
  23. mpok mumun adiknya mpok mimin bukan bang

    BalasHapus
  24. Komentar ini telah dihapus oleh pengarang.

    BalasHapus
  25. @ Saka : Bukan adiknye tapi abangnye...:)

    BalasHapus
  26. woi bang pennnn..... jangan ngabur nape...??!!! :D

    BalasHapus
  27. heheh gosipin bang Pendi kena batunye dia.

    BalasHapus
  28. maksudnya gosipin pak RT hehhee

    BalasHapus
  29. ayo bang pendi..
    saya dukun(G) bang Pendi buat jadi ketua PSSI, gantiin tuh si Nurdin yg tidak tahu malu..

    kalau jadi ketua RT sih org pasti pd malas, soalnya RT itu kan singkatan Rugi Tenaga.. ha ha..

    BalasHapus
  30. Untung aja pak RTnya baik... gak jewer tuh telinganya Bang Pendi... hehehe

    BalasHapus
  31. Untung aja pak RTnya baik... gak jewer tuh telinganya Bang Pendi... hehehe

    BalasHapus
  32. Hahaha.. rasain tuh ketahuan ngomongin orang...

    BalasHapus
  33. duh .... nge gosip juga bang Pendi ya ...
    kapan akurnya sih dgn mpok mumun..??

    BalasHapus
  34. hehehe... bisa aja. menghibur banget :)
    salam kenal ya...

    BalasHapus
  35. bang pendi... seumpama ini dibukuin kayaknya seru ye :D

    BalasHapus
  36. iya bener kata ninda, mending dibukuin aja :D hehehh udah banyak nih cerita bang pendi.

    BalasHapus
  37. Ehem.. ehem... wuiih akhirnya bang pendi ketemu lagi dengan mpok mumun, huahahaha,,,

    nyimak obrolan bang pendi, wkwkwkw.. lagunya dah kayak pejabat aje, pake nyoalin tentang korupsi pulaa,, muanteef!!

    Tapi bang, jangan salah,, waktu aku pendampingan di desa dulu, orang2 pade berebut juga ntuh jadi RT, sampe-sampe ada yg menjabat lebih dari 5 taon, n ga pernah tergeser. Abis.. tiap pak lurah coba geser, lah.. para RT bersatu tuk ngadu ke bupati, wuhahahaha

    Trus juga, sape bilang jadi RT ga da duitnya?? malah.. praktek korupsi ntuh RT banyak yg ngelakuin.. (padahal dah digaji tiap 3 bln), coba deh bang pendi nyamar jadi detektif conan dulu... trus liat ape yg dikerjain para pejabat RT itu ntuk beras raskin dan sebagainya bantuan ntuk desa... :D

    BalasHapus
  38. Bagi dong kopinya! dan ubinya disuapin kesiapa...? he he he.....

    BalasHapus
  39. ha..ha...hati-hati, jangan kebanyakan makan ubi...

    BalasHapus
  40. wah baru gabung...
    ceritanya menarik... hehhe
    paling suka ngebahas kalau PSSI
    wah dari ceritanya bisa nyentil ke politik pssi hehhe

    salam kenal
    sekalian ijin follow :)

    BalasHapus
  41. bang pendi mana deh ini lanjutannya :D sibuk kayanya yaa -.-"

    BalasHapus
  42. yang empunya blog sholat jum'at, aku datang lagi aah,,, hahaha,, kan conection ga lemot,,, :D

    alhamdulillah, awardnya sudah tak bungkus di blog cerita hujan bang, iya,, aku ga merasa itu beban, malah termasuk ilham,, untuk bahan aku posting,,, terima kasih ya bang,, di tunggu posting berikutnya,,, :)

    BalasHapus
  43. Pendi...coba postinganmu yg di blog ini kamu rapikan dan kirim ke penerbit. kayaknya laku deh.

    BalasHapus
  44. Afternoon epribadi hhe...

    ane dateng bang hhe.... :P Sorry sebelumnye nie ane baru bisa nongol hhe.... Huahahaa.... pengen ngakak abiz baca postingan Bang pendi, kayaknye sekarang Prestasi emank ude kga penting bang, yg penting perut keisi haha.... Nurdin aje kaga mau mundur ampe sekarang haha...

    Ude ane nyontreng Bang Pendi aje ntar haha...

    pamit dlu ah dari Warung Kopi, pengen ganti nongkrong ke Angkringan :P

    Walaikum salam bang.,...haha

    BalasHapus
  45. tuh bang, ada lagi yang nyuruh nerbitin. udah gih buruan, kalo butuh editor bisa ke saya kok. nanti saya bantuin for free :D

    BalasHapus
  46. haha setuju di jadiin buku bang :D

    BalasHapus
  47. Gimana bang? kpn nie pencalonan Ketua PSS mulai? ane mau nonton bang Pendi maju jadi ketua PSSI hhe...

    Met weekend bang :D

    BalasHapus
  48. mantep ui... untung ane nyasar ke blog ni... jadi tambah wawasan teknik penulisan neh... makasi ya bang.... ^_^

    BalasHapus
  49. Bang Pendi masih sibuk ama urusan rebutan kursi atau sibuk mau jadi ketua PSSI ?

    BalasHapus
  50. ya ampun udah 4x ke posting ini hahahahah 1x lagi bisa dapet piring cantik nih aku dari bang pendi :p

    BalasHapus
  51. jadi diLematis yeh Bang, nyang sekoLah benaran setinggi-tinginye cuma bisa jadi kuLi bangunan. itu juga udah bagus, masih bisa kerje. nah nyang nganggur bejibun, pada sibuk mondar-mandir nyari kerje tapi hasiLnya noL besar, sebab bengku kosong udeh pada diisi anak-anaknya babeh.
    Lha yang udeh pada jadi pejabat, padahaL beLom tentu pinter pada sibuk ngurusin kantong masing-masing.
    huh, endonesia ku.....

    BalasHapus
  52. Pak RT tuh banyak duitnya lo, Bang. Sekali ngurusin KTP 100 rebu, ada anak baru lahir trus maknya moa masukin KK, kena 100 rebu. de el el de es te...

    BalasHapus