Halaman

Senin, 03 Agustus 2009

OBROLAN DI WARUNG KOPI ( 4 )


Seperti biase cerite ini cuma imajinasi atawe khayalan, jangan terlalu diambil ati dan maaf kalo ade penulisannye yang agak vulgar

Bang Madi : Tumben nih..mpok ! kagak biase-biasenye nih warung sepi bangat..

Mpok Mumun : Tadi sih..bang Mamat ame si Pendi sempet ngupi disini..tapi terusan ke rumah pak Rt. Emang kalo kagak ade die bedua..warung jadi sepi. Kagak ade yang ngebanyol..

Bang Madi : Emang pade ngapain..kerumah pak Rt..?

Mpok Mumun : Lha..abang emang engga tau ? dirumah pak Rt pan ade penyuluhan cegah flu babi..

Bang Madi : Wah..iye ! aye lupe..ude lame die bedue peginye..?

Mpok Mumun : Emang abang mao nyusul..? yah..ude telat bang..!bentaran lagi..juga pade balik..

Bang Madi : Wah..sayang, aye kagak ikut..! Tapi emang kalo ngomongin flu babi, aye juge rade ngeri dengernye. Bayangin aje..berite terakhir yang aye baca,sekarang ude 416 orang yang ketularan, untung yang mati baru 1 orang

Mpok Mumun : Iye bang..! dipengajian kemaren..bu Rt juge bilang gitu, bu Rt juge bilang kalo kite harus jage kebersihan lingkungan tempat tinggal kite untuk menghambat penularannye. Tapi aye pikir..pemerintah juge kudu sigep, jangan kayak kasus flu burung tempo hari..

Bang Madi : Bener itu mpok..! pokoknye jangan sampai korban flu babi di negare kite lebih banyak daripade negare Meksiko asal muasal penyakit ntu. Kalo sampe begitu..ape kagak malu-maluin. Nah..itu Si Mamat ame si Pendi, tapi kenape si Pendi ditenteng gitu ? ( pundak bang Pendi dipegangin bang Mamat )

Mpok Mumun : Lha..elu kenape Pen..? bibir pade nyonyor gitu..( bang Pendi cume nyengar-nyengar aje )

Bang Mamat : Si Pendi kurang kerjaan mpok..! orang lagi pade serius dengerin penyuluhan flu babi..eh..die malah nyebarin Flu-Tut..

Bang Madi : Wah..flu apaan lagi tuh bang..?

Bang Mamat : Flu kentut..!( sambil nahan tawa ), ude gitu baunye juge minta ampun..bau jengkol..! ( bang Madi dan Mpok Mumun ngakak )

Mpok Mumun : Lagian..elu Pen..! ngada-ngada aje..nah terus bibirnye nyonyor kenape..?

Bang Mamat : Gimane kagak nyonyor..orang kentutnye pas didepan muke bang Kohar yang lagi nunduk di belakangnye..masih untung pade ngelere, kalo kagak bise pade bonyok mukenye..( semue pade ngakak )

Bang Pendi : Ye..! aye kan kagak sengaje. Orang nyeplos sendiri..( sambil nyomot pisang goreng )!

Mpok Mumun : Kan..elu bise tahan Pen..atawe minggir dulu kek..! kalo mao kentut..

Bang Madi : Iye Pen..! belajar sopan dikit..eh elu ngupi dulu deh..gue yang bayarin..

Duuuutt..!!!(tiba-tiba kedengeran suare kentut. Bang Mamat ame bang Madi langsung tutup idung, mpok Mumun huek..huek )

Bang Pendi : Eh..maaf..maaf ! kagak sengaje..( langsung lari ngibrit sambil nyaplok pisang goreng )

Mpok Mumun : Kelewatan bangat lu Pee..en ! ( lari ngejar si Pendi sambil ngacung-ngacungin centong sayurnye, mao ga mao bang Mamat ame bang Madi jadi ngakak lagi )

5 komentar:

  1. he he he...dikentutin ya. jorok nih.

    BalasHapus
  2. Ya maaaaaf..! he..he

    BalasHapus
  3. Ck..ck..ck...itu kentut gak sabaran abnget yak, mau keluar aja, hehe. salam buat mpok Mumun, bang Mamat, bang Fendi, dan bang Madi.

    BalasHapus
  4. Wakakakakakakakakakaka ....
    ngakak deh gua ..gara-gara tuh kentut

    BalasHapus
  5. @ Newsoul : nanti salamnya disampein deh Bunda..tapi maaf ya, ngga sampe ikut cium baunya kan..! :))

    @ Kabasaran : Iye bang..postingan disini buat hiburan saja..syukur-syukur kalo yang baca bisa ketawa...he..he

    BalasHapus