Senin, 16 November 2009

DIARE...EH.. DIARY BANG PENDI

Bang Pendi uring-uringan lagi, pasalnye ni hari ujan kaga brenti-brenti. Rasanye die ude empet banget ngejogrok di rumah aje, abis...bentar-bentar enyaknye tereak. Peeeen....! benerin genteng bocor. Peeeen..! samperin babalu gih di kebon..( hah..ade-ade aje ! aki-aki manja amat sih pake disamper-samperin. Lagian kurang kerjaan amat ujan-ujan maen di kebon. Bang Pendi ngegerendeng sendiri ). Yang lebih sewot lagi pas enyaknye tereak...Peeeen ! masukin ayam noh...( set dah...! ntu ayam emang pade bader bangat. Padahal die ude ngancem " Kalo elu pade kaga mao balik kekandang sendiri, gue gorok leherlu pade. Eh...ntu ayam cuman pade ngejawab.." Uu..Uuuuuuuuuuuuuuu...!! " ). Wah...pusing dah !

Padahal kemaren-kemaren, waktu die masih ngojek payung. Bang Pendi seneng bangat kalo ujan tambah deres, ngojek payungnye tambah laku. Tapi gara-gara cewe yang die tawarin payung bilang " Ngga ah, sama anak kecil aje..!!", lah.. bang Pendi bingung lalu die tanya " Emangnye kenape neng...?". Si cewe ngejawab lagi sambil cekikikan " kalo anak kecil khan imut-imut, kalo abang amit-amit.. ". Bang Pendi langsung diem klekep, mukanye merah kayak strobery panggang ( Eh...emangnye ade ye, strobery panggang..?). Nah..abis ntu, bang Pendi langsung down. Die kagak semangat 45 lagi ngojekin payung, lagian die juge rade malu berebutan ame anak-anak kecil.

Bang Pendi jadi nyalahin si Axl Rose yang nyanyiin lagu " November Rain ", kalo aje judul lagunye die ganti..pasti bulan ini ujan kaga turun mulu. Bang Pendi juga jadi rade kesel ame enyaknye, die ngerase sebagai anak semata wayang ( Eh..die juga bingung, enkongnye dulu dapet istilah semata wayang darimane ? ape karna matanye wayang cuman atu ? kalo wayang kulit...iye bener ! tapi wayang golek..kan matanye due..). Nah...sebagai anak semata wayang ntu, bang Pendi ngerase kagak pernah di manja. Padahal die pengen di manja atawe butu tati tayang he..he.

Boro-boro dimanje...! die inget bangat waktu pake sepeda babenye terus jatoh nyusruk, sambil meringis kesakitan die mao ngadu ame babenye.
Trus babenye nanya.." Elu kenape Pen..? kaki pade besot gitu ...". Pastinye bang Pendi terus terang...Pendi terang terus ! ( eh..kayak iklan bohlam he..he ). " Anu...be ! aye jatoh dari sepeda " jawab bang Pendi. Eh..bukannye kasian tapi babenye malah ngomel " makanye mata jangan taroh di dengkul...!! ". ( " Busruutttt...!! sejak kapan mate ade didengkul..?" bang Pendi ngedumel ). " Trus..gimane sepedanye, rusak ye ?" tanya babenya lagi.
" Kagak beh...! cuman lecet dikit doang.."
" Ya..syukur dah...!" kate babenye. Bujug dah...! bang Pendi dongkol. Babenye lebih sayang ame sepedanye daripade bang Pendi, nasib...nasib !

Rase-rasenye die jadi kepengen punye enyak kayak mpok Rani, soalnye ade isu kalo die punye tabungan 300 milyar. Busyet..300 milyar !?.  Kalo di beliin ikan peda atawe jengkol, dapet berape karung ya..?. Masa bodo dah itu duit darimane, dari pak Antasari ape dari pak Nasruddin. Yang penting kalo mpok Rani jadi enyaknye, bang Pendi jadi keduman jajan banyak. Paling kagak sehari dapet jajan satu jute, kagak kayak sekarang. Kagak mungkin dah...! abisnye kembalian beli garem aje di tanyain. Gimane mao kasih duit jajan banyak, seperak juga kaga acan-acan.
" Peeeen..!" Tiba-tiba enyaknye tereak lagi. Ngagetin bang Pendi yang lagi ngelamun.
" Apaan lagi sih nyakkk..." tanya bang Pendi rade kesel.
" Elu mao ngupi..? kalo mao kopi bikinannye mpok Mumun, sono gih beli..!. Tuh...duitnye ambil di gerobogan..!" kate enyaknye .
Bang Pendi mesem-mesem malu " ternyate..enyak sayang ame gue " pikirnye. Die langsung cium tangan enyaknye berkali-kali, Enyaknye ampe bingung " Ude sarap kali nih anak...?" pikir enyaknye bang Pendi.

35 komentar:

  1. postingan yang dinamis mas penuh warna

    BalasHapus
  2. hahahahaha..... aku nggak berhenti ketawa bacanya.... lucu banget deh si abang.... kesian beeeud dah si abang.... aku juga mau punya enyak kayak mpok Rani... bisa nginep di hotel mewah bang...

    hihihihi

    Ninneta

    BalasHapus
  3. pendi.pendi..emang sarap dia. hehhee

    BalasHapus
  4. ha,ha,ha,ha

    bang noor super lucu yak...hi,hi,hi

    bdw..emaknya bang pendi baik yak..hi,hi,hi

    suruh beli kopi pas ujan-ujan...ha,ha,ha

    BalasHapus
  5. Wow, obrolan uneg-uneg di warung kopi ini makin semarak dengan Diary Bang Fendi. Dari Axl Rose sampe Rani dibahas, mantap.

    BalasHapus
  6. ehem..ehem..
    jadi yang sarap siap yah??hahaha
    salam kenal boss

    BalasHapus
  7. @ semua sahabat : makasih ude pade mampir...

    @ Non Santi : apa yang salah ya ? kasih tau dunk..soalnye aye gaplek nih...he..he

    @ Bang Yanuar : kayaknye kite ude kenal bang, cuman abang aje yang jarang mampir..eh aye juga dink...he..he

    BalasHapus
  8. salam sobat
    wah bang PENDI ini,,sayang enyaknya,,malah dikatain sarap...
    betawi banget nich,,,ok dan siip sobat

    BalasHapus
  9. oh ya, sama nih sejak dulu aku heran juga dg headernya blog ini mas.

    BalasHapus
  10. bwbwbwbwbwbwbwbwwwbwwww

    BalasHapus
  11. iya bang pendi...nasib nggak selalu apes kok.Tuh emak tibe-tibe ngasih duit, segerobak lagi hehhe

    BalasHapus
  12. hehe, serasa lagi nonton sinetro si Doel! betawi maann....! salam kenal aja dech, aku follow yach

    BalasHapus
  13. hahahha sampe ngakak
    bang mau ngasih tau kalo udah aku link, link balik ya.. makasiiii

    BalasHapus
  14. @ Mpok Zahra & mpok Anindya : Makasih...nanti aye link balik deh...

    BalasHapus
  15. ya ampyunnn betawi banget yak? xixixiix

    BalasHapus
  16. hahahaha lucu bahasanya ajah..... kalau ceritanya siy seru, tapi lucu bahasanya..... hahaha

    BalasHapus
  17. ajee gileee .... top dah basa betawinye,..
    salam buat bang pendi ye... salam metal dari axl rose

    BalasHapus
  18. salam sobat
    wah banyak sahat yang komentar Pendi,,,
    sukses ya,,

    BalasHapus
  19. Wakakakakakaka....
    Bang Fendy sukses menbuat saya ketawa pagi ini...
    Betawi banget...

    BalasHapus
  20. kok belum update lagi bang? ayo dong...tunjukkan dirimu pada dunia, hehe

    BalasHapus
  21. keren...., lam kenal.....

    BalasHapus
  22. kok blom update? sibuk bw ya? xixixi

    BalasHapus
  23. @ Zahra & Quinie : Iya nih mpok, lagi cuper cibuk..! lagian kalo mao posting mesti semedi dulu 3 hari...he..he

    BalasHapus
  24. Loh mas... Header mas rusak ya?

    Ceritanye abang dari jakarte ye.. :)

    Link mas udah ada di blog saia.. :)
    gantian mas ya..

    BalasHapus
  25. @ demoffy : Iye mpok, header rusak. Di mozilla fire fox rusak tapi di IE dan Opera kaga rusak, apanye ye ? aye binun...

    BalasHapus
  26. Bang Pendi kalo di suruh nyak jangan nolak Napa.
    Dah gitu jangan ampe banding bandingin enyaknye.
    Sisain napa buat aye kupi dari Mpo Mumun pan ane juga mau hehe...

    BalasHapus
  27. Sebenarnya Pendi cuma butuh perhatian ya... Cuma disuruh beli secangkir ko[i di warung aja udah ngerasa bahagia... Sederhana sekali kebahagiaan buat si Pendi.

    BalasHapus
  28. mampir lagi, mas. baik2 aja kan?

    BalasHapus
  29. selamat hari raya idul adha

    BalasHapus