Halaman

Senin, 07 Desember 2009

OBROLAN DI WARUNG KOPI ( 12 )

Bang Mamat  :  Wah...tanggal 11 Juni piala dunia ude mulain nih mpok, sekarang aje ude jadi bahan omongan di mane-mane. Ngomong-ngomong kalo nanti maennye malem, nih warung buka ngga ..?

Mpok Mumun  :  Yah..ngga tau dah laki aye, mau ngga die jualan tengah malem !? kalo aye sih..ogah dah..

Bang Somad  :  Nah..kalo buka, aye punye usul mpok ! gimane kalo di warung ditaroh tv biar nih warung tambah rame rame...( sambil ngeganyem singkong goreng )

Mpok Mumun  :  Kalo ramenya doang mah..buat apaan bang kalo kaga pade jajan, paling-paling pade ngutang kayak si Pendi...lagian pade demen amat ame piala dunia, orang masih lama juga. Tuh pikirin kesebelasan Sea Games Indonesia..!  lawan Singapura aje ude ngos-ngosan apelagi nanti ketemu Thailand...mati ica..!!

Bang Pendi  :  Lha..aye kok di bawa-bawa mpok !? aye kan ngutang kalo pas lagi kaga gablek duit aje...

Mpok Mumun  :  Emangnye kapan elu punya duit Pen..!? perasaan tiap hari bokek terus..( bang Mamat ame Somad cekikikan, bang Pendi cuman nyengir doang )

Bang Mamat  :  Ngomongin soal bola, kira-kira elu bisa maen ngga Pen..?

Mpok Mumun  :  Yah...tampang kayak gini... maen bola. Paling-paling larinye bise.. nendangnya kagak, nendangnye bise..larinye klemar-klemer..kayak onta ! ( sambil cekikikan )

Bang Pendi  :  Eh...semarangan ! mpok Mumun belon tau aje...nah waktu Rw kite juare di kelurahan, tujuh belasan kemaren. siape yang bikin gol..?

Bang Somad  :  Lha..emangnye elu Pen ? perasaan elu kaga maen, jangan ngibul lu..!

Bang Pendi  :  Siape yang ngibul bang, aye khan tadi cuman nanya...siape yang bikin gol ? bukan aye...! orang aye nonton juga kaga..

Mpok Mumun  :  Huuuuu...!! gue kirain elu ( bang Pendi cengar-cengir )

Bang Mamat  :  Tapi emang bener mpok, taon lalu waktu tuuh belasan antar Rt, die jadi bintangnye ! sayang mpok kaga nonton. Belon lima menit si Pendi masuk lapangan, penonton ude pade sorak-sorak. Si Pendi lari penonton sorak..., si Pendi nendang bola penonton sorak...ampe si Pendi duduk penonton masih aje sorak..malah tambah rame..( mpok Mumun melongo nahan-nahan kagum, bang Mamat ame Somad justru nahan-nahan tawa )

Mpok Mumun  :  Ck..ck..ck..hebat bangat lu Pen ! emangnye masukin berapa gol...bise jadi bintang lapangan kayak gitu..

Bang Somad  :  Dia mah bukan bintang lapangan mpok ! tapi binatang lapangan ( ngga bisa nahan tawa, bang Somad cekakakan ). Tau ngga mpok kenape die di sorakin..!? waktu ntu si Pendi kaga nyadar kalo celana kolornye robek gede bangat dari bawah selangkangan ampe ke pantat...

Mpok Mumun  :  Pantesan aje...! iiiih..selem !! ( sambil tutup muka pake tangannye. Bang Mamat ame bang Somad cekakakan lagi, muka bang Pendi merah nahan malu )

18 komentar:

  1. kunjungan perdana nih..
    apa aku yg paling pertama coment....

    BalasHapus
  2. gagal pertamax, huhhuhu...
    atas ane cepet boneng... hhihihihi

    BalasHapus
  3. buseeet si pendi pamer pantat donk die... huahahahahaaaaa :))

    BalasHapus
  4. Astaga.. kok malu2in gitu sih Bang Pendi? Kalo Mpok Mumun pengsan, gemana?
    Siape tuh yang tanggung jawab?

    BalasHapus
  5. Wah kalau ditarok tv di warung mpok Mumun, bisa tambah seru dong. Ngobrol ame Nobar (nonton Bareng)Piala dunia.

    BalasHapus
  6. bang pendi kali yang jadi bolanya?? atau jadi gawangnya ya?? hihi... mas noor.. ambil award di aku yaa.. tapi ngga tau mas noor udah punya atau ngga ;)

    BalasHapus
  7. haaaalllllaaaaaaahhhh bang pendi.... mangkanye, keluar rumah di cek dulu dong tuh celana..... pan malu yah bang begonoh... hahahaha

    ngomong2 abang megang sape bang piale dunie ntaran? kalo aye mah megang tim nya mantan suami aye... si bang van der saar.... aye berbunga2 bang tiap liat bang der saar nangkis bole....

    BalasHapus
  8. kok keliatan kolornya sobek?? celana nya sobek juga dong?? parah!! haha..

    BalasHapus
  9. xixixixi mpok mumun cablak banget ya?
    betawi aseli

    BalasHapus
  10. @ Fais : Makasih bang..met dateng di blog orang sarap...he..he
    @ Ferdivolutions : Yoi..doi..toi...
    @ - Gek - : Bang Pendi jawab mao tapi nanggung ogah..he..he
    @ Bunda Elly : Bener bun..apelagi ngupi bise ngutang..he..he
    @ Non Nindya : Makasih non..nanti bang Pendi comot dah awardnye...
    @ ninneta : Sebagai keturunan Belanda, bang Pendi Van Hallen juga ngedukung tim oranye...he..he
    @ Mpok Mira : makasih dah mampir...
    @ Mpok Quinie : bukan Betawi aseli mpok tapi aseli Betawi..eh sama ya !? he..he

    BalasHapus
  11. hehehhehe... setuju tuh dengan si mpok...

    keduax nih

    BalasHapus
  12. huwakakakakkakakak beneran tuch, robek gede gitu...... buwakakakakakakakak busyet dah..... ^^

    BalasHapus
  13. siLahkan mas d foLLow...
    saya jg dah foLLow ni bLog...

    BalasHapus
  14. ceritanya lucu banget...tapi aku belum bisa tertawa lepas niiiichh...jd kasih senyum dulu aja yach sebagai ucapan makasih buat supportnya :)

    BalasHapus
  15. Busyet dah Bang Pendi pantat buriknye di pamerin ke mana-mana. hehe...

    BalasHapus
  16. bisajugatuh caranya dipake untuk narik perhatian

    BalasHapus
  17. warung kopi tempat yang paling pas untuk ngobrol, cerita2 n maen poker tentunya
    hiyahahahahahha

    BalasHapus
  18. gue suka blog ini! You do a great job, keep it up and thank you for posting.

    BalasHapus