Rabu, 06 Januari 2010

BANG PENDI KERJA EUY.....!

Babe Jupri lagi uring-uringan, die empet bangat ame anak semata wayangnye..si Pendi. Ude gede kaga ade gesit-gesitnye apelagi kalo ngomongin soal cari duit. Disuruh kerja... maunye kerja yang enak...kaga cape tapi gajinye gede, disuruh bantuin macul di kebon..yang ade malah molor diatas pohon manggis, disuruh metik nangka muda eh..malah metikin rambutan tetangga. Kadang malah bikin malu, abis..saban minggu si Mumun lapor ame die " Beh..si Pendi belon bayar utangnye..!". tempo hari terpaksa duit buat kondangan kepake buat nalangin utangnye si Pendi, emang nyusahin bangat ntu anak...makan ati...!


" Heh..mao kemana lu Pen.." pas ngeliat bang Pendi mao nyelonong pegi...
" Mao ngupi diwarungnye mpok Mumun, emangnye kenape beh..?"
" Ngopi mulu kerjaanlu, emang utanglu emaren ude lu bayar..!?"
" Ah..tenang aje beh, soal utang beres dah...! ngga percuma babe punya anak kayak aye yang baik hati dan tidak sombong, jadi bikin peri-peri pada baek hati ngebayarin utang aye. Buktinye mpok Mumun kaga pernah nagih..." jawab Pendi sekenanye..
" Peri...peri...peri palelu rengat ! gua nih yang bayarin utang-utanglu...sekate-kate lu ngomong " Babe Jupri nyap-nyap, bang Pendi cuman diem aje sambil mikir.." Set dah..sewot amat sih ni aki-aki, segale jidat rengatlah dibawa-bawa...emangnye tembok..rengat !. Yang ade mah..Rengat Dengklok, daerah di Karawang tempat anak-anak muda nyulik bung Karno ame bung Hatta sebelum proklamasi. Eh..tapi ngomong-ngomong ternyate babe yang jadi perinye, baru tau ade peri yang giginye ompong kayak gitu " bang Pendi cekikikan sendiri.
" Kenape lu cengar-cengir sendiri..?" bang Pendi langsung mingkem. " Sini..lu ! daripade elu mondar-mandir kaga puguh lagu, mending elu kerja aje gih sama engkoh Achong.." kate babenye lagi.
" Engkoh Achong yang mana beh ? perasaan namanye kayak toko obat kuat.." Tanya bang Pendi, babe Jupri melotot..( dalem ati babe Jupri " Tau-tauan aje nih anak kalo gue pake obat kuat..." )
" Engkoh Achong ntu...yang punye toko kelontong di prapatan sono...!" kate babe Jupri sambil ngangkat jari telunjuknye.
" Prapatan mane..., prapatan Mekah ? lagian emang aye boleh kerja disitu...?" Tanye bang Pendi lagi.
" Dari tadi elu nanya mulu, kayak wartawan aje ! ude deh..kaga usah banyak nanya. kemaren babe ketemu sama ntu engkoh, die ntu temen lame babe. Orangnye baek ! dulu babe yang nyariin tanah buat ngebangun tokonye, waktu bikin tokonye juga babe yang ngerjain. Mangkanye sampe sekarang die masih baek ame babe, tempo-tempo kalo babe maen kesono suka disuruh bawa beras ame minyak goreng buat enyaklu.."


Singkat cerite, besoknye bang Pendi ude kerja di tokonye koh Achong. Kerjaannye ngelayanin orang beli ame manggul-manggul barang dagangan. Hari pertama dan kedua bang Pendi masih keliatan semangat 45 tapi kesinian malah jadi males, lelet, letoy...lemot ( lengkap dah....) yang bikin koh Achong geleng-geleng kepale. Kayak ni hari pas ngangkatin beras, baru juga satu karung die ude ngaso...tinggal si jabrik temen kerjanye yang bolak-balik sendirian. Pas ditegor koh Achong... baru dah die kerja lagi, tapi bentaran die ude brenti lagi malah diri di tumpukan karung beras sambil kacak pinggang niruin koh Achong...
" Heh...Jablik ! Owe liat keljaanlu mundal..mandil...mundal..mandil, haiyaaa...owe lugi bayal lu olang !" si jabrik empet bangat liat lagunye si Pendi tapi die langsung ngakak pas liat koh Achong geleng-geleng kepale di belakangnye si Pendi.." mampus lu Pen..!" sumpah serapah jabrik. Bang Pendi juga kaget ngeliat si engkoh ude ade di belakangnye, langsung die pora-pora ngusap-ngusap karung beras sambil nahan tawa.
" Kalo kerjaanlu disini ude beres, elu kedepan gih ! layanin yang beli..." ujar koh Acheng, bang Pendi ngangguk sambil cengar-cengir.


Didepan belon ade orang yang belanja, bang Pendi cuman ngeliatin orang-orang yang seliweran di depan toko. Nah..pas ade cewe cakep lagi bahenol lewat, bang Pendi buru-buru nyamperin...
" Mao kemana neng.., mao belanja ye..?" tanya bang Pendi, si cewe cuman mesem-mesem aje. " Kalo mao beli beras disini aje neng ! beli beras seliter bise dapet banyak ". denger gitu si cewe yang tadinye mao jalan terus jadi mampir..
" Beneran nih bang...?"
" Ya bener dong, masa abang bohong sih..."
" Ya ude bang, aye beli 5 liter deh...". Bang Pendi langsung naker beras, tapi sampe takeran terakhir si cewe liat kaga ade bedanye. 1 liter tetep aje takerannye 1 liter, kagak ade lebihnye...
" Kok kaga ade lebihnye bang, katanye 1 liter dapat banyak...!?" tanya si cewe bingung
" Lha..ini apa neng ! Nih..liat abang taker 1 liter, coba neng itung berapa biji berasnye...banyak kan ?" ujar Pendi sambil nyengir.
" Ye...itu mah ngibulin aye namanye..! tapi ngga ape-ape deh, soalnye abang lucu. Kalo ade toko yang jual kayak abang, aye mao dah..beli satu "
" Bener nih...!? buat nemenin bobo ya neng...?" tanya bang Pendi bangga
" Kagak...!! buat nakutin tikus....." jawab si cewe sambil cekikikan, koh Achong yang lagi ngitung kembalian jadi ngakak.
" Ya..udah neng...buat nebus dose, aye mao kok bawain ntu beras sampe ke rumah. Kalo perlu sampe pintu kamar...he..he, ngomong-ngomong rumahnye dimana neng..?"
" Rumah aye..? ngga jauh ko..tanye aje rumahnye bang Japra..." jawab si cewe
" Bang Japra...? bang Japra yang mana ya..." tanya Pendi bingung
" Bang Japra yang jadi jagoan prapatan sini Pen...!! " yang ngejawab si Jabrik...
" Oh...jadi si eneng ini..anaknye ye ?"
" Bukan..! aye bininye...." jawab si cewe sambil ngeloyor pergi
" Wakkkk...!! mampus dah gue, kalo sampe die ngadu ame lakinye..." Koh Achong ame si Jabrik ngakak bareng ngeliat mukenye bang Pendi yang pucet.
" Emang ude gile lu Pen...! bini orang maen godain aje...." ujar si Jabrik.
" Ah..itu mah kaga seberape gile brik..! masih mending gua godain bini orang, daripade gua godain bininye monyet...ape kaga lebih gile..." Bang Pendi, koh Achong ame si Jabrik kompak ngakak bareng-bareng.

47 komentar:

  1. wakakakakaka...
    bang pendi lengkap banget nih....
    - kualat entar, babenye dikatain peri
    - giliran dapat kerja, cuman sehari udah males
    - liat cewek bahenol.... isterinya bang jafra
    mending pulang ngupi deh ama mpok Mumun....
    wakakakaka....

    BalasHapus
  2. wkwkwkwkwk, untung ngga sampe nganterin depan kamar, bisa jadi tempe penyet thu pendi, wkwkwkw..

    dasarrrrr jelalatan :P,
    bilang dari pada godain bini monyet, padahal takut hahah

    BalasHapus
  3. wakakakaka.....pendi-pendi....'nggemesin' amat lu jadi orang. gubrak!

    BalasHapus
  4. dasar pendiiiii..dah malas, genit pula. hi hi hi....bawain tumis kangkung nih.

    BalasHapus
  5. jiahahahha~ si Bang Pendi nih ada-ada aja
    pake godain bini orang dngan ngibulin beras yg 1 liter dapet banyakk...

    BalasHapus
  6. jD gimana ni bang Pendi ga' d pukulin bang Japra kan...
    hehehehe

    BalasHapus
  7. hahahaha...to be continue gak neh?

    BalasHapus
  8. Hehehe, setidaknya si Pendi pan ude kerje ye. Ayo pen, musti rajin loe. Dan, kaga boleh maen slonong aja kalo liat cewek bahenol. Bisa runyam ntar.

    BalasHapus
  9. hahahaahha... spechlesss saking lucu nya nie crita.. two thumps up buat sobat q nie... benar2 patut di sinetronin ...

    BalasHapus
  10. ha ha a ha ha ha gak pa pa bang pendi yang penting sudah nikmati kecantikannya, aku gak bisa bayangin kalau ngantar sampai kamar......! bakal di buat bal-balan!

    BalasHapus
  11. hehe......Bang Pendi sekalinye kerje kagak bener. Mendingan mah macul aje bantuin babeh.

    BalasHapus
  12. waah akhirnya bang pendi dapet kerjaan juga.. syukur deh.. biarpun ngaco gitu? hahaha..

    my idol olweys : abang pendi (biar dikasih duit sama mas noor :p)

    BalasHapus
  13. hihihi,sial melulu bang pendi.

    BalasHapus
  14. ade"ade saja bang nie akh......

    BalasHapus
  15. Wadu waduh dasar bang pendi kena batunya tuh. kerja apapun m0l0r mulu. .gak ada beresnya ni 0rang , .

    BalasHapus
  16. Bang Pendi, ini 2010. Ayo lebih baik dan lebih bersemangat! Hihi.

    BalasHapus
  17. kyknya mendingan si pendi godain bini monyet deh. hehehe...

    BalasHapus
  18. lucu bgt nih ceritanya... ga bosan mas saya baca cerita bang Pendi... hihiii...

    BalasHapus
  19. ahahahahahahaaa..... awas di habeng ma bang Japra loh..... ahahahahahah

    BalasHapus
  20. salam sejahtera
    kunjungan perdana
    moga bisa jadi teman
    salam kenal juga

    BalasHapus
  21. Patrick Mode On!!! Haaaawwwwhhhh...
    Bener-bener cerita yang bisa bikin ni otak ma perut jadi kayak es campur!!! Wakakakakak!!!

    BalasHapus
  22. kaga ade matinyee dah bang pendi.... selalu bikin kite-kite ngakak dibuatnya...

    BalasHapus
  23. maap bang pendi...aye lagi seddihh..dihh...dihh..biasanya baca crita bang pendi aye bisa ngakak, tapi kali ini aye cuman bisa meringis doang..hiks! skali lg maap ye bang, jangan dimasukin ati dah kalo aye kagak ikutan nongkrong disini..

    BalasHapus
  24. Lho.., dah gak jadi tukang sewain payung lagi tuh Bang Pendi..?
    Kebayang deh gimana pucetnya bang Pendi kalau harus ngadepin Bang Japra hahaha

    BalasHapus
  25. wakakakak// lucu banget dah nih bang pendi.. bekatow abis ceritanya bang!!

    BalasHapus
  26. baca lagi, masih juga ngakak, pinter buat cerita lucu, bikin grup lawang Bang!

    BalasHapus
  27. bang pendi gokil... ulahnya ada-ada aja tuh

    BalasHapus
  28. @ Nuansa Pena : Wah..kalau bikin grup lawak ngga bakal laku bang, soalnye muka aye kegantengan...he..he

    BalasHapus
  29. kita tanyakan yang beli beras, ganteng mana Bang Pendi ama Nuansa Pena? ha ha ha

    BalasHapus
  30. salam sobat
    wah Bang Pendi kerja,,
    kerjanya jualan beras di toko ya,,

    BalasHapus
  31. sorry aye kudu hiatus dulu bang, kalo mau kirim2 salam bt aye sambil nongkrong di warung si mpok..kirim aje lewat fb aye ye "zahra lathifa", dah sono kerja..jgn kebanyakan godain mpok mumun aje,hehe

    BalasHapus
  32. Bang pendi emang tiade duanye...
    salam bang...

    BalasHapus
  33. he he he, pendi moga ada pilemnye... :-)

    BalasHapus
  34. hahaha..... mantep tuh ceritanye bg...!

    BalasHapus
  35. Rengat donklok itu apa'an atuh bang pendi.. :)

    BalasHapus
  36. salam sejahtera
    kunjungan balik
    saya tunggu tulisan berikutnya

    BalasHapus
  37. Selalu tersaji cerita yang bisa menghangatkan suasana disini bang

    BalasHapus
  38. si Abang macem2 ma bini orang...yeeee...
    hahaha
    mending ngupi aja bang :D :D :D

    BalasHapus
  39. salam sobat
    wah banyak komentar sahabat tentang Pendi kerja nich
    semoga sukses selalu mas NOOR,,

    BalasHapus
  40. Hahahah...Pendi, pura-pura blokon, kaya si Jojon aja!

    BalasHapus
  41. header nya kenapa itu bang??

    BalasHapus
  42. @ miwwa : ngga tau tuh...ude aye utak-atik tetep aje kayak gitu, maklum aye gaplek...eh gaptek. Aye sekarang lagi niat mo ganti template nih...barangkali bisa hilang.

    Ade yang mao bantuin....?

    BalasHapus
  43. gubrag! yang paling parah ya ngegodain bini monyet yang lain huahahaha :P

    BalasHapus
  44. dingin bang! cari kehangatan disini baca polah tingkahnya bang Pendi dan komentar rekan-rekan, komentarnya juga lucu lucu!

    BalasHapus
  45. Sunter di tempatku sihg gak banjir. tapi gak tahu di tempat lain ya, Noor.

    mampir malam sebelum tidur.

    BalasHapus
  46. ni scrip pagerank u/ blog uneg-uneg

    <script src="http://www.mypagerank.net/services/pagerankbutton/servicepr_js.php"></script>

    ini script pagerank u/ hanya ilusi

    <script src="http://www.mypagerank.net/services/pagerankbutton/servicepr_js.php"></script>

    silakan d pasang caranya tambah elemen/ tambah gadged copy paste sript itu

    kalau ingin nyoba sendiri silakan kunungi linknya http://mypagerank.net/service_pagerankbutton_index

    masukkan salah satu link kamu kemudian check PR nanti akan muncul kodenya yang harus kamu pasang d blog kamu, PR kamu masih N/A tunggu google PR update mungkin sekitar bulan maret / april, nah sambil nunggu update, sering2 posting minimal seminggu 2x, jangan lupa blogwalking dan jangan lupa ninggalin komentar juga, perbanyak tukar link khususnya blog2 yang sudah ber PR, daftaris blog kamu d SE misalnya www.google.com/addurl nah semoga bisa membantu

    BalasHapus