Halaman

Rabu, 22 Desember 2010

KAMPRET NGEJOMBLO

Ni hari Bang Pendi lagi seneng. Tadi pagi abis bantuin enyaknye nyuci baju, die dapet upah dua puluh rebu...tumben-tumbenan Bang Pendi rajin ye !? hehe. Nyak Salmineh yang jarang-jarang ngeliat anaknye rajin, jadi terharu. Die nyangka Bang Pendi ntu bantuin nyuci karena mao nunjukkin rasa sayang ame enyaknye, kebetulan pan ni hari adalah hari Ibu. Padahal mah....Beeeuuuhh... Boro-boro...!! Sebenernye Bang Pendi  cuma mao nyuci bajunye sendiri yang kotor gara-gara semalem mao ngintip penganten baru tapi malah kecebur got...hehe. Daripade enyaknye nyap-nyap dan urusannye jadi panjang mending die nyuci sendiri dah....hehe.

Nah...siang ni Bang Pendi mao ngupi di warungnye Mpok Mumun, saking senengnye die jalan sambil nyanyi-nyanyi lagu Qasidahan yang sering dinyanyiin enyaknye...
" Kunang-kunang terbang melayaaaang....sedang terbang ketimpa duri..." ( Ntu kunang-kunang apes banget ya...? hehehe ). Sampe di pos ronda, Bang Pendi ngeliat Si Jabrik lagi bengong sendirian...
" Eh...elo kenape Brik ? Bengang-bengong gitu...kayak kampret nunggu musim rambutan..!! "
" Ah...sialanlu Pen ! Enak aje nyamain gue kayak kampret..."
" Eh..gue kagak asal ngomong Brik, elu sama kampret nggak jauh beda...cuma beda-beda tipis ! Monyongnye sama...jabriknye juga sama !" Kate Bang Pendi sambil cekikikan.
" Yang ngada-ngada lu Pen, jangan menghina....lagian mane ade sih kampret yang rambutnye jabrik !"
" Ada Brik..! Elu ga tau aje....Kampret pan rambutnye pendek, coba aje elu suruh keramas..ape nggak ngacir atawe jabrik tuh rambutnye. Die pan kagak bise rebonding di salon... " Bang Pendi ngakak.
" Hah...!! ude-ude...tambah ngaco ajelu.."
" Ya....maaaaaaaf ! Tapi ngomong-ngomong kenape sih..elu bengong aje..."
" Yah...nasib Pen, ude mo deket-deket malem taon baru...eh cewe gue malah ngajakin putus. Kayaknye kagak enak banget malem taon baru ngejomblo " Si Jabrik sedih...
" Jelas kagak enak Brik..elu pan masih muda, belon pantes masuk panti jomblo.."
" Itu panti jompo...oon..!! Ini jomblo...bukan jompo.." Si Jabrik kesel
" Eh...ude ganti ye ? ( Bang Pendi cekikikan ) Ya ude Brik...kite senasib, tapi kagak usah dipikirin....nanti gampang nyari cewe lagi..."
" Nyari sih gampang Pen...di pasar atawe di Mall banyak. Cuma yang mao ame gue pan belon tentu ade...ye gak !?"
" Ya ude deh...kite kagak usah mikirin pacaran dulu, kebo aje kagak pake pacaran bisa punya anak. Mending kite ngupi deh....lagian pan, pak ustaz pernah bilang " Tuhan menciptakan manusia untuk hidup berpasang-pasangan " Jadi tenang aje, jodoh kagak bakalan kemane....sekarang kayaknye bukan giliran kite...mungkin nanti ( Kalo ude 70 taon...hehe )"
" Lah..kalo dapet pasangannye kebo, gimane Pen ?"
" Yaaa...itu ude nasib..!! " Si Jabrik ame Bang Pendi ketawa ngakak. Trus bedua pergi ke warungnye Mpok Mumun sambil bergandeng tangan...( Eh..nggak...nggak..itu fitnah ! hehe )

23 komentar:

  1. IYE BENER TUCH BRIK... JADI KEBO AJE KAGA KAWIN TAPI BISA PUNYA ANAK...
    WKWKWKWKWKWK

    BalasHapus
  2. Sesekali, sekalian nyuci'in baju emak nape Pen. Pan hari ibu ini, hehe. Apa kabar Noor ?

    BalasHapus
  3. maka'a jngan sering ngitipin.
    tu jadi'a kecebur got. masih mending.
    dari pada di gebukin ama orang sekampung....

    bang pendi tongkrongan'a di pos ronda mulu yeaa..

    BalasHapus
  4. pengen liat bang pendi sama jabrik gandengan tangan :P

    BalasHapus
  5. Hahahah....kirain Bang Pendi udanh mulai rajin mau ngebantu enyak...
    lagian Bang Pendi kurang kerjaan , penganten baru pake diintipin segala.

    Gimana kabarnya Bang sama keluarga juga..salam sehat selalu ya Bang.

    BalasHapus
  6. @ Pak Tani : Hehehehe...
    @ Bunda Elly : Kabar baik Bun...semoga Bunda Elly & keluarga juga sehat2 selalu..amin
    @ Agam : Iye tuh Om...abis nongkrong dirumah jande takut ada yang salah tanggap..hehe
    @ Non clara : Sssstt..klo dah liat, jangan bilang siapa2 ya...hehe
    @ IbuDini : kali ngintip penganten lama kurang sip kali Bu...hehe. Alhamdulillah..keluarga sehat Bu, semoga keluarga Ibu juga sehat2 selalu...

    BalasHapus
  7. hahahaha.. aseli... cerita bang pendi ini ngocol abisss!!! nyuci baju dapat 20 rebu, kalao dikali 30 hari bisa kaya dong bang pendi...wkwkwkwk

    hmmm... template disini selalu mengingatkan aku pada template cerita hujan yg dulu....

    Semangat Sob!!!!

    BalasHapus
  8. hahaaha...gandengan tangan...?mesra n romantis abis deh tuh..hihihi..
    tumben..biasanya jg berantem mulu..hihi

    BalasHapus
  9. @ Nyanyu Amibae : wah..bener tuh Bu, klo dihitung2 memang lumayan. tapi sapa yang mao dicuciin Bang Pendi...jangan2 muka Bang Pendi dulu yang disuruh cuci...hehe. Ayo deh..semangat !!
    @ Ibu Diana : mungkin merasa senasib kali Bu...hehe

    BalasHapus
  10. Bang Pendi kok fotonya Unyil???

    BalasHapus
  11. he he he..ngebayangin muka pendi kayak kampret..duuh.kasihan amat si pendi

    BalasHapus
  12. GUBRAK!!! klo dapet pasangan kebo ude nasdih ye Bang haha.... tapi kampret bisa keramasan apa bang? perasaan aye blum pernah ng'liat dah haha... ude bang pendi ama jabrik jadian aje haha....hahaa...

    BalasHapus
  13. aye jadi curiga nih, Bang Pendi mao cerita apa mao pamer Lagi jombLo atau emang Lagi promosi. kaLi aja yang mau nyoLek-nyoLek. hehehehe...

    emang sih, manusia diciptain secara berpasang-pasangan. tapi kaLo kagak dicari apa mungkin bisa dapet, apa iye ada yang mao begono.

    BalasHapus
  14. bergandengan tangan ma kebo maksudnya bang..? kalo ntumah bukan fitnah kaliii...

    BalasHapus
  15. aye jadi curiga nih, Bang Pendi mao cerita apa mao pamer Lagi jombLo atau emang Lagi promosi. kaLi aja yang mau nyoLek-nyoLek. hehehehe...

    emang sih, manusia diciptain secara berpasang-pasangan. tapi kaLo kagak dicari apa mungkin bisa dapet, apa iye ada yang mao. :D

    BalasHapus
  16. luama.......banget nda silaturahmi di mari, rupanya bang Pendi ama si jabrik masih eksis ya. Teuteup.........bikin senyam-senyum sumringah!

    BalasHapus
  17. Duh... kasihan yg lagi jomblo... hehehe

    BalasHapus
  18. Semoga makin rajin cuci baju ya Bang Pendi... :p

    BalasHapus
  19. sesama jompo, eh jomblo nggak boleh saling hina Bang, kudu kompak. Yang kayak begitu udah bener tuh, kemana-mana gandengan tangan. Lama-lama bisa jadian juga tuh ma si Jabrik..wkwkwkwkwk...

    BalasHapus
  20. @ Tante Elsa : kayaknya gantengan unyil sih..daripada Bang Pendi..hehe
    @ Mba Fanny : kasihan..kasihan..kasihan...hehe
    @ Ferdinand : wah..belon liat kampret keramas ya ? sama..Bang Pendi juga...hehe
    @ Om rame : kalo Bang Pendi sih emang beneran Om..masih jomblo tapi kalo yang nulis cerita sih.. bini ude 4, bini orang maksudnye..hehe
    @ Rawins : wah..jgn gitu dong bang...kita harus hormati asas praduga tak bersalah...hehe
    @ Abi Sabila : senyum sih boleh bang...asal jgn senyum2 sendiri, nnti ada yg salah tanggap...hehe
    @ Mba Reni : bener tuh Mba...rencananya besok2 Bang Pendi mo nyuci di kali, kali aje disono ketemu jodoh...asal jgn kadal buntung aje...hehe
    @ Mba Dewi : masak jeruk makan jeruk sih Mba...!? hehe

    BalasHapus
  21. salam sobat
    makanya malem2 jangan ngintip pengantin baru.
    masih ngejomblo kan.

    BalasHapus
  22. Ngejomblo itu senang tapi senep. Senang bisa berbagi kasih dan perhatian. Rasanya hidup ini begitu indah dunia seperti milik berdua. Tidak bertemu sehari rasanya sewindu. Senep bila dianya marah, melirik cowok yang lain dan mutusin kita. Bila kita putus asa dan mata gelap bisa berabe. Konon indahnya hanya saat pacaran dan masa bulan muda. Setelah itu berbagai tanggung jawab, masalah, cobaan akan terus menghadang. Menikah berarti kita 'mencari musuh'. Karena dapat jadi suami atau isteri dan anak kita menjadi 'musuh kita'. Rumah tidak lagi 'sorgaku', namun menjadi 'neraka'. Kehidupan memang berliku dan penuh cobaan. Ada masa-masa 'indah', ada 'masa-masa getir' semuanya hendaknya dijalani dengan tabah dan saling mengertian.

    BalasHapus
  23. semoga tahun depan ga jomblo lagi , oke

    BalasHapus