Rabu, 06 April 2011

OBROLAN DI WARUNG KOPI ( 25 )

Kebutuhan makin banyak tapi kemampuan makin berkurang, itu yang dialami ame kalangan bawah. Emang ude ketauan kayak gitu, soalnye nyari duit seperak dua perak, susahnye minta ampun. Tapi Bang Pendi rade-rade bingung kalo ngeliat orang yang ude kaya, tapi masih aje ambil cara-cara kotor buat nambah kekayaannye. Ape emang ude lifestyle-nye kayak gitu kali ye? Huh...harta emang seringkali bikin orang gelap mata.

"Ya elah Mpok, bengong aje...kayak patung semar" celetuk si Jabrik pas masuk warung ame Bang Pendi.

"Hush...sembarangan aje lu Brik. Cakep-cakep gitu dibilang patung Semar, pantesnye mah patung bagong!" sambng Bang Pendi. Die bedue akhirnye cekikikan.

"Heh... heh! Elu bedue belon pernah ngerasain dicium ulekan sambel ye? Pagi-pagi ude cari perkara aje" Mpok Mumun melotot sewot.

"Ya, maaaaf... Mpok. Lagian pagi-pagi ude bengong, rejeki bise pade kabur tuh Mpok! Ya ude bikinin kopi dah" kate Bang Pendi.

"Yaaah... elu mah masih bujangan Pen, belon tau ape-ape. Nah, kayak gue... mikirin anak, gimane sekolahnye, gimane makannye, jajannye terus kebutuhan rumah tangge. Belon lagi mikirin laki gue, sekarang pan lagi nganggur. Dapet duit darimane gue, kalo kagak dari warung. Lha, masih mending kalo yang makan disini pade bayar kes. Kalo ngutang gimane?"

"Wah, wah... utang mah jangan dibawa-bawa Mpok. Ade yang kesinggung tuh!" si Jabrik cekikikan. Bang Pendi cuman cengar-cengir.

"Ya elah Mpok, gitu aje dipikirin. Aye emang belon kawin..."

"Belon nikah maksudnye? Kalo kawin, perasaan gue... elu udahan Pen" potong si abrik.

"Heh, sembarangan aje lu. Gue kawin ame siape?"  Bang Pendi bingung.

"Lha, kambing Kong Sanip yang kemaren beranak, bukannye kerjaanlu Pen?" si Jabrik ngakak, Mpok Mumun cekikikan.

"Aiiiihh... sekate-kate lu! kenalan aje belon" kate Bang Pendi sambil mesam-mesem. "Nah, aye terusin yang tadi. Aye emang belon nikah, tapi bukan berarti aye kagak punye masalah. Semua orang punya masalah, baek yang bujangan atawe yang ude keluarga, walau masalahnye mungkin beda-beda. Yang penting mah enjoy  ngejalaninnye, nikmatin hidup aje! Tapi kite tetep usahe sembari sabar juga tawakal..." kate Bang Pendi.

"Lha, tumben lu ngomongnye bener, Pen?" Mpok Mumun takjup.

"Ya maklum Mpok, die emang mantan karyawan TEMPO. Alias, tempo-tempo bener, tempo-tempo sarap!" si Jabrik ngakak lagi.

"Yah, elu Brik. Makanye kalo ngeliat gue, jangan dari luarnye doang. Liat juga dalem atinye, "Don't rujak bebeg pake lemper!" (hehe, istilahnye maksa banget ye...)

"Don't juge a book by it's cover, kaleee Pen..." Mpok mumun cekikikan.

"Nah, maksud aye juga ntu! penampilan luar sering menipu. Nah, kayak si Selly ame si Melinda tuh. Cakep-cakep tapi kerjaannye tepu sini, tepu sono. Sayang pan, anugerah Tuhan dimanfaatin buat yang kagak bener. Makanye kite-kite Brik, jadi cowok jangan gampang ketepu ame penampilan, bahaya!" si Jabrik ngangguk-ngangguk kayak burung celepuk. Sambil ngomong gitu, Bang Pendi ngelirik ke jalanan. Ada cewek yang mao lewat, kulitnye putih, bodinye bohay punya...."Eh, bentaran Brik..." Bang Pendi buru-buru keluar nyamperin ntu cewek.

"Hah, dasar lu Pen! Ngomong doang sebakul. Ngeliat jidat licin, langsung lupa..." Mpok mumun ngedumel.

"Ati-ati Pen, bahaya! jangan ngerujak bebeg pake lemper...!" tereak si Jabrik. Mpok Mumun cekikikan, Bang Pendi cuek, "Sebodo ah! Namanye juga usahe..." hehe...

21 komentar:

  1. Obrolan warung kopi yang asik apalagi di hari hujan.
    Bener Bang...penampilan tak bisa mencerminkan seseorang ternyata dan saya juga heran kenapa ya udah pada kaya dan banyak duit masih aja nyari yang lebih.
    Padahal itu semua kan gak bisa kita bawa kalau kita gak panjang umur.

    BalasHapus
  2. he he he..pendi playboy..sendirinya langsung blingsatan begitu liat cewe y g bohay....

    BalasHapus
  3. btw, cerpen antara rajawali grogol itu cerita rekaan lho.

    BalasHapus
  4. hehehehe obrolannya seru bang pendi saya baca ngakak....hehehehhe :)

    BalasHapus
  5. hidup tanpa masalah bagai sayur tanpa garam, bukan begitu bang??haahaa...

    BalasHapus
  6. Bang... yang bener tuh "kaya" apa "kaye" sih..?
    Hahaha... sori ye kalo aye aneh2 aje.. :D

    BalasHapus
  7. Wartawan tempo... tempo2 bener... tempo2 sarap... hahaha. Bagus nih...

    BalasHapus
  8. Hahaha... bang pendi suka ngutang ya...? hehehe

    BalasHapus
  9. burung celepuk tuh yg spt apa sih..?

    BalasHapus
  10. haduh, ngebahas cewek-cewek cantik yang suka nipu ya... iya tuh lagi hot beritanya...

    BalasHapus
  11. Emang perlu modal buat nipu. Mesti beli bedak dll hahaha

    BalasHapus
  12. ngomong2 ... bang Pendi ditanggapi gak ame tu cewek..???

    BalasHapus
  13. bang pendi emang gile habizzzz....tp tu cewek2 pd mau gak sih ???

    BalasHapus
  14. huahahahaha! saya malah penampilannya engga banget bang. mirip gembel -.-

    BalasHapus
  15. ealaah bang pendi jug aikutan komen soal selly.. melinda Dee gimana tuh?.
    yah bener, jangan ngerujak bebeg pake lemper.. soalnya kita nggak tau isi lempernya udah basi atau belom.. jadinya ntar rujaknya jadi kutan basi.

    #komennggak jelas

    BalasHapus
  16. Memang masih banyak saudara kita yang hidup dalam kemiskinan. Bila kami naik kereta api ke Jakarta, kami biasanya akan melongok keluar jendela melihat kondisi kehidupan penduduk di pinggiran Jakarta yang berada di kiri kanan rel kereta api. Pemandangan ini akan berbalik dengan gedung tinggi dan apartemen mewah di dekatnya. Hidup memang 'unik'. Ada yang kaya. Ada yang miskin. Ada yang ganteng. Ada yang jelek. Ada yang cantik luarnya, namun 'jelek' (maaf) dalamnya. Ada yang cantik luar dan dalam (berbahagialah orang yang menjadi suaminya). Memang kadang kita silau hanya melihat penampilan luarnya saja. Ketika ada kesempatan dan godaan menyerbu hati kita, 'pertahanan' kita seringkali lemah. Akhirnya kita jatuh ke jurang yang dalam. Trims sharingnya yang amat segar, salam sukses Sobat.

    BalasHapus
  17. terus cewe yang disamperin tu pegimana ya bang pendi???*penasaran

    BalasHapus
  18. wakakakakakkkk...pendi taunya teori doang...banyak ngomong tapi dia sendiri begitu ya....hihiii...keren...penyampaian cerita dengan dialog khas betawi...kayak lenong....salut

    salam

    BalasHapus
  19. rujak bebeg emang gak pake lemper tuh. pake cabe hehee

    BalasHapus
  20. Whehe obrolan warung kopi dengan rasa betawi, hehe :D

    BalasHapus
  21. bang pendy bang pendy ade-ade aja

    BalasHapus