Rabu, 13 Juli 2011

HILANGNYA JANDA KEMBANG (1)


Serial Detektif : Pendi Van Burick

Gara-gara Bang Pendi demen nonton serial "Dong Yi" yang penuh trik dan intrik, nalurinya tergugah dan jiwa detektifnya bangkit, hehe. Jadi mulai sekarang Bang Pendi mulai bikin serial detektif, tapi jangan terlalu berharap Bang Pendi bisa menyelesaikan sebuah kasus. Kayaknya sih gak yakin Bang Pendi bisa nyelesein kasus, bisa-bisa malah tambah runyam, hehe.

Pagi hari, disaat ayam jago masih kekepan ame ayam betina, di kampungnye Bang Pendi ude kedengeran heboh. Ada yang tereak-tereak, ada yang nangis, ada yang mukul kentongan dan ada juga orang yang maen pukul-pukulan gara-gara yang mao mukul kentongan salah mukul kepala orang yang botak, hehe. Bang Pendi yang lagi enak-enaknye ngorok di bale-bale depan rumahnye jadi kaget. Dia langsung ambil jurus kunyuk negrep (tangkap) jangkrik yang diajarin gurunya yaitu Wira Wiri Tambeng. Dia langsung lompat kebawah tapi sayangnye die lupa kalo semalem abis makan pisang satu tandan, kulitnye pade ngampar (berserakan) di bawah. Akhirnye die kepeleset lalu jatuh tengkurep dan kepalanye nyusruk di kebon depan rumah dengan sukses.

"Heh..heh..teradahan gawe (kurang kerjaan) lu ya? Lagi ngapain lu disitu?" Nyak Salminah bingung waktu ngeliat Bang Pendi tengkurep di tanah.

"Eh, anu Nyak...Aye lagi coba meresapi harumnye wangi bunga di indahnye pagi hari" Bang Pendi ngeles buat ngilangin malu sambil nyium-nyium pohon didepannye.

"$#@31/2km-1/4ons%^**?????" Nyak Salminah kagak bise ngomong ape-ape. Die lagi bingung binti heran..."Kalo bunga mawar atawe melati wajar aje, tapi ini pohon talas yang dicium-cium. Ape yang harum?" akhirnye Nyak Salminah ngeloyor ke dalem rumah.

Ngeliat enyaknye ude masuk rumah, Bang Pendi langsung bangun sambil garuk-garuk hidungnye. Ternyate pohon tales yang tadi die cium-cium bikin idungnye jadi gatel, Bang Pendipun nyumpah-nyumpah dalem ati. Suddenly...tiba-tiba en sekonyong-konyong, kedengeran ada yang tereak manggil-manggil namanye...

"Pen..Pen..gawat Pen...!!" tereak si Jabrik sambil berlari kearahnye. Bang Pendi bingung dan tambah bingung lagi waktu si Jabrik ude nyampe tapi kagak brenti tapi malah nyelonong masuk rumah Bang Pendi.

"Lho....???" Bang Pendi melongo sambil garuk-garuk ketek. Ngga lama si Jabrik nongol sambil nenggak aer minum dari kendi yang dipegangnya.

"Ya..elah Brik, dirumahlu kagak ada aer ape? Dateng-dateng maen nyelonong aje ngambil aer kendi gua.."

"Sorry Pen..tenggorokan gue ampe kering nih, lari-lari..."

"Eh, ati-ati lu megang kendinye, jangan sampe ke usap-usap! Nanti jin Ipritnye masuk lagi ke dalem.."

"Ah, yang bener aje lu Pen. Biasanye kalo diusap-usap jin-nye baru keluar. Emangnye jin-nye ude keluar dari tadi?"

"Iye....ntu yang lagi megang kendi!"

"Ah, sialan lu. Eh, gua kesini mao ngasih kabar heboh nih Pen. Ada janda kembang hilang tadi malem, sampe sekarang belon ketemu..."

"Jande kembang? jande kembang yang mane? setau gue kagak ada jande kembang dikampung kite. Elu tau sendiri pan, mane ade jande yang belon gue satronin...hehe" Bang Pendi cengengesan.

"Iye...iye..gue tau maenan lu. Emang cuman janda-janda aje yang mao ame elu.."

"Eits...siapa bilang Brik, jangan salah...Buah pepaye di makan sekeluarge, makan sekoteng jangan lupa kacang polongnye. Bukan salah gue didemenin perawan apelagi jande, muka gue ganteng emang dari sononye!"

"Jiaaaah..lagulu pera Pen. Eh, tapi bener Pen...gue serius! Hansip sekelurahan aje ampe dateng kesono, semua pade sibuk nyari Mak Saodah yang hilang semalem"

"Heh...siape lu bilang? Mak Saodah? kagak salah lu Brik? setau gue Mak Saodah umurnye ude 60 taon. Jande kembang apanye? Oooh...gue tau, maksudlu kembang Rafflesia Arnoldi ye..?"

"Rafflesia Arnoldi? kembang apaan tuh Pen?"

"Kembang bangke..!!"

"Busyeet...tega amat lu Pen, orang disamain sama  bangke"

"Lagian elu juga yang oon. Kalo bikin definisi janda ntu yang bener dong. Janda kembang ntu jande yang baru kawin terus cere dan belon punye anak. Nah, yang ini mah ude bau tanah elu bilang jande kembang. Jande kembang dari hongkong! mangkanye kalo ngomongin jande mending konsultasi dulu ame gue..." celetuk Bang Pendi. si Jabrik sebenernye gondok tapi die juga nahan-nahan tawa denger celetukannye Bang Pendi.

Bersambung...
maaf, ini cuma cerita...ga ada maksud apa-apa

21 komentar:

  1. bisa nyaingin detektif conan gak ya? :)

    BalasHapus
  2. Jande kembang dari hongkong! lanjut ceritanya Bang :)

    BalasHapus
  3. hahahahha izinkan saya tertawa bang Pendi, aye demen banget cerita gokill ente bang,,,,, ane tunggu terus cerite ente bang,,,,,,hehehehe

    BalasHapus
  4. hahahaha...janda kembang pada masanya ya bang..hihihi..

    BalasHapus
  5. Koq tambah runyam sih bang bila menyelesaikan kasus,,, berharap juga gak papa kan daripada tidak ada harapan sama sekali...

    Janda kembang janda yang masih harum kembang pernikahan ma janda kembang janda yang sudah bau kembang kuburan (udah tua)....

    BalasHapus
  6. Lagian tuh jande kaga di iket di puun toge siih jadi ilang dah... hahahaa

    gaye lo sebaskom bang.. :D lanjutttt

    BalasHapus
  7. wah kemana ya si mak saodah
    ayo dunk bang pendi cari hehe :p

    BalasHapus
  8. Hahaha....si abang bikin aku ngakak nih di sore2 hujan begini...hehe ternyata bg pendi juga suka 'dong yi' ya....

    BalasHapus
  9. Yang satu ini, 'Javandava Kevembavang' biasanya menjadi perhatian publik sekitar. Judul diatas menjadi daya tarik untuk terus mengikuti 'action'nya. Bang Pendi semoga saja sukses jadi 'detektif' swasta yang handal, cerdik dan tangguh. Salam blogger. Sukses selalu.

    BalasHapus
  10. Wuih, bang Pendi udah mulai ngebahas Jande Kembang sekarang. Rupanya, banyak kemajuannya Bang Pendi sekarang, ahahaha. Salam.

    BalasHapus
  11. bikin penasaran aja sampean ini Kang,
    itu janda kembang 60 tahun, jangan-jangan bau kembang 7 warna yang biasa ditabur di makam
    trussss ditunggu berikutnya biar pikiran ini tambah seger

    BalasHapus
  12. wah, ada serialnya toh. bang Pendi ahli perjandean ya

    BalasHapus
  13. hahaha... BAng Pendi, meski nggak ada maksud apa-apa, teruslah bercerita. Karena itu bikin aku tertawa segar bugara.. (halah)

    BalasHapus
  14. @Mba Narti : detektif conan kayaknya masih kalah Mba...hehe
    @sda : oke... dilanjut Bu!
    @Mas Bayoe : ditunggu deh lanjutannye Mas, tapi ga tau deh...ceritanye nyambung ape kagak! soalnye posting ini dadakan, hehe
    @Bu Diana : hehe...iya Bu, mungkin..hehe
    @Blog Keluarga Kesehatan : Wah, bener juga ya...kembang kuburan, hehe
    @Mpok Naya : kagak bise Mpok, soalnye togenye ude digoreng... dibikin bakwan, hehe
    @Mba Ria : ini juga lgi dicari Mba, bantuin dong..hehe

    BalasHapus
  15. @Bunda Loving : biar deh Bu, ngakak sedikit...biar rade anget kalo hujan,hehe
    @Pak Herdoni : wah, ga janji Pak! tpi moga2 aje Bang Pendi bisa jadi detektif yang bener, hehe
    @Newsoul : hehehe...kebetulan aje lagi inget janda sebelah Bunda, jadi postingnye tentang janda kembang...haha
    @Pak Ies : bisa jadi Pak, baunya ude 7 rupa, hehe
    @Mba Fanny : lagi coba2 aja Mba, biar ceritanye rada laen dikit..hehe
    @Mba Dewi : pastinya diterusin dong Mba, asal jangan bosen aje bacanya, hehe

    BalasHapus
  16. eh bang detektip pendi van burik...
    bisa tolong cariin si rembo gak? ayam saya ilang... hehehe

    popup directingnya bang pendi bikin kaget nih..

    BalasHapus
  17. Bang cerita bang pendi ini ya kalau di bikin drama pasti bagus banget dan pastinya lucu.
    Apa lagi aye demen nonton FTV bang...

    BalasHapus
  18. @Mas Slamet : wah, klo cari si Rembo mah..mesti tanya sama siUpin Ipin, hehe
    @IbuDini : masa sih Bu!? makasih deh, do'ain aje ada produser pelem yang baca, hehe

    BalasHapus
  19. Huahhaahhahhaa..... Pantesan bang pendi sewot, nha ini mah udah bukan masuk kategori janda kembang, orang udah bau tanah *peace haha....

    pantesan juga bang pendi kga pernah nyatronin rumah janda nyang enih haha... :) aye mau lanjut baca part 2 ya bang... :)

    BalasHapus
  20. hmmmm... belum komen,, lanjut dulu ke bagian dua... biar ga ketinggalan kereta,,hehe

    BalasHapus
  21. hahahhaa... mungkin yg dimaksud janda kembang kamboja kali , Bang...!!!

    BalasHapus