Halaman

Senin, 12 April 2010

OBROLAN DI WARUNG KOPI ( 18 )

MARKUS...ANAK MANA SIH !?


Bang Pendi   :   Eh...Brik..! elu pernah denger ngga kalo si Gayus ame pak Susno mao masuk dapur rekaman..( celetuknye sambil nguyup kopi )

Si Jabrik   :   Kagak Pen..! emangnye die bedue pade pinter-pinter nyanyi Pen, sampe pade mao masuk dapur rekaman segala ? ( sambil nyomot pisang goreng )

Bang Pendi   :   Ye...mane gue tau..!! yang gue liat di tipi sih...cuman ngomong doang, kaga pernah keliatan nyanyi. Tapi gue denger...nyanyian die bedua banyak ditunggu-tunggu orang, gue jadi penasaran denger die bedue pade nyanyi !

Bang Mamat   :   Eh...elu salah Pen..! yang dimaksud nyanyi ntu...die bedue ngungkapin siape-siape temen maen korupsinye si Gayus. Bukan nyanyi beneran...!

Mpok Mumun   :   Iye...bener tuh bang ! kayaknye emang masih banyak temen-temennye si Gayus. Die pan kagak kayak si Messi yang bise menari-nari ngelewatin pemain lawan sendirian sampe ngejebol gawang ( sambil nyengar-nyengir sendirian )

Bang Pendi   :   Jiaaahhh...menari-nari ! hebat bangat dah bahasenye....nari...ya nari mpok, maen bola..ya maen bola. Kagak ade hubungannye ! kalo ade yang jago nari terus jadi jago masukin bola...aye usul dah ame PSSI, biar orang Bali aje yang masuk Timnas...pan orang sono pade jago nari tuh...( celetuk bang Pendi cuek sambil ngeganyem singkong goreng )

Mpok Mumun   :   Elu Oon banget sih Pen..! itu pan cuman istilah, mangkanye dengerin tuh kalo komentator bola lagi pade ngomong ( mpok Mumun jadi sewot )

Bang Pendi   :   Halaaaaa..komentator bola didengerin, die pade mah...cuman pinter ngomong ame nyela pemain doang. Coba suruh die pade maen bola...aye jamin die pade juga kagak bakalan bise...( terus bang Pendi bisik-bisik ame si Jabrik )  tuh..denger Brik ! mpok Mumun juga demen maen bola tapi bolanye kecil-kecil..( si Jabrik ame bang Pendi langsung ngakak bareng )

Mpok Mumun   :   Nah...nah...!! pasti ngomong yang kagak-kagak nih...awas lu Pen.. kalo ngomongin gue !, jangan sampe centong sayur nyium kepalelu lagi...( sambil ngangkat-ngangkat centong sayur, bang Pendi nutupin palenye pake tangan...bang Mamat nyengar-nyengir jangkrik )

Bang Pendi   :   Iye...iye kagak dah mpok ! ( sambil ngelepas tangannye ) Eh...terus si Gayus ame pak Susno, gimane sekarang bang..( tanyanye ame bang Mamat )

Bang Mamat   :   Sekarang sih belon tau..tapi terakhir gue liat di tipi sih, pak Susno terus nyebutin nama-nama yang kelibet korupsi ame markus pajak...

Si Jabrik   :   Kalo aye sih sebenernye salut ame pak Susno sampe berani ngomong kayak gitu. Tapi kalo emang die tau ade markus atawe korupsi...kenape kagak dari kemaren-kemaren ye...ngungkapinnye ? ape pas lagi jadi Kabareskrim...die kebagian jatah juga. Nah...sekarang kagak ! ( sambil nguyup kopinye lagi )

Bang Mamat   :   Ya....itu juga gue kagak tau. Tapi paling kagak...karene die ngomong kayak gitu...kite-kite jadi tau kalo banyak markus yang keliaran di kepolisian, yang sampe saat ini masih dicari-cari atawe diselidikin..

Bang Pendi   :   Nah...siape lagi tuh si Markus, anak mane die ? Ooooh..jadi die yang jadi biangnye, kalo duit-duit pajak kite dikorupsi ? Aye mao dah...bantuin nangkep si markus, biar aye bejek-bejek mukanye..!! ( bang Pendi semangat bangat ngomongnye..ampe berdiri segala. Dibelakangnye ade orang masuk ke warung. Badannye gede tinggi, kulitnye item dan kumisnye tebel...die langsung nyamperin bang Pendi..terus ngangkat kerah bajunye dari belakang )

Si Markus   :   Heh...elu ngomong ape tadi ? gua ini Markus..beranilu bejek-bejek muka gua.. nanti mukalu yang gua bikin perkedel  mao lu..!! ( orang ntu ngebentak bang Pendi sambil melotot. semua pade kaget apelagi bang Pendi yang langsung gemeteran ampe kebelet kencing. Bang Mamat buru-buru ngejelasin biar kagak salah paham ). Oooh..kirain ngomongin gua. Makanya jangan sembarang sebut-sebut beta punya nama...! ( kate orang itu sambil nyengir mamerin giginye yang putih, terus ngeloyor pergi )

Mpok Mumun   :   Lha...ngga jadi ngebejek-bejek Pen !? ntu..ade pisang goreng yang bise elu bejek-bejek...tenang aje die kagak bakalan bikin elu jadi perkedel...( semua pade ngakak, bang Pendi manyun sambil nahan-nahan pipis )

48 komentar:

  1. wkwkwkwkwkw..
    dasar bang Pendi...
    Tp salut ama semangatnya bang pendi....

    Eh mas, kalo bang pendi dijadiin perkedel,,lumayan tuh,,ada makanan variasi baru: ""PERKEDEL rasa PENDI"

    BalasHapus
  2. :D perkedel Bang Pendi.

    BalasHapus
  3. hmm...bang pendi ni...
    hahaha...speechless dh ma tingkahnya bang pendi..

    semoga cerita bang pendi bisa di bukukan..

    BalasHapus
  4. bang pendi
    pesen perkedelnya dunk satu... he he...

    BalasHapus
  5. Hehehe. Bukannya Markus anak condet bang....

    BalasHapus
  6. he e he he..kena batunya tuh si pendi. makanya jgn sok jagoan, pen..hehee..mending bejek2 semut aja.

    BalasHapus
  7. haha..bang pendi..bang pendi... untung ada bang mamat.. hampir dia yg dibejek2...hehe

    BalasHapus
  8. hahahaha :))
    Bang pendinya kasian ampe pipis di celana ntar gara² si Markus
    =))

    BalasHapus
  9. Komentar ini telah dihapus oleh pengarang.

    BalasHapus
  10. wkwkwkwkwkwk

    tapi Seiri mau perkedelnya aja

    qiqiqiqi

    BalasHapus
  11. tetep aja saya kesusahan bacanya.. heheh..

    si markus lagi tenar banget ya, begitu pula gayus, sampe dijadikan jurusan/trayek bis yang lewat kantor pajak... :)

    kalo dibuka semua, bisa2 kantor pajak dan kepolisian kehabisan pegawai.. :)

    BalasHapus
  12. wkwkwk...gayus lagi gayus lagi...
    lagi tenar pisan ini gayus XD

    BalasHapus
  13. kok tumben, bang Pendi lemot gitu, apa ga salah casting neh cerita? biasanya bang Jabrik yang meranin 'lemot' getu?
    Satu yang para pejabat sekaligus penjahat lupakan bahwa, bangkai itu busuk dan bau, sepandai-pandai menyimpan bangkai tetap saja baunya akan menyebar kemana-mana

    BalasHapus
  14. Markus emang ade dimane-mane bang... bongkar n bejek2 aje tuh orang... pejabat (trmsk kepolisian) anggap kite bodoh kali ye? padahal, org awan sekalipun tahu n ngobrolin mereka-mereka di warung2 kupi...

    BalasHapus
  15. jangan2 bang pendi juga jd markus nih...

    BalasHapus
  16. perkedel rasa pendhi...apa rasanya coba...

    BalasHapus
  17. oh ya ampun.............

    kenapa gw juga tertarik sama perkedelnya ya??

    hehehehe

    BalasHapus
  18. hihihihi... makanya ati2 kalo koar2 bang. ternyata ada nama Markus juga disana. jadi tersungging eh tersinggung dianyakan, kirain ngegosipin dirinya (GR amat tu orang ahahahah)

    BalasHapus
  19. wah kok ga jadi di bejek2.... biar tambah ganteng tar pendi hehhe

    * oya buat pertanyaanya di blogku, daun salamnya boleh di makan juga,

    BalasHapus
  20. salam sobat
    wah obrolan d warung kopi sudah sampai ke 18 nich,,
    harus coba dibukukan,,semoga diterima penerbit.

    BalasHapus
  21. La kalau Markusnya begitu... (item, besar dan berkumis) aku juga takut Bang... hehehe

    BalasHapus
  22. Lama-2 aku kok pengen banget nyicipin pisang gorengnya Mpok Mumun ya....? *ngiler dot com*

    BalasHapus
  23. asik nih bang obrolanya,,jempol dah! *sambil nyruput kopi..

    BalasHapus
  24. Markus bukanya yg buat wadah barang2 tuh???

    sebenarnya lg pd ngebahas siapa seh???

    BalasHapus
  25. pengen nyoba resep perkedel dengan bahan bang pendi hehhe

    BalasHapus
  26. itu bang si markus..katanya mau di bejek-bejek..
    hehee..

    BalasHapus
  27. markus anak betawi...euy....hehhee...bawain nasi uduk

    BalasHapus
  28. Bang Pendi... gak bosen ya gosipin Gayus sama Susno. mereka kan lagi digosipin sama rakyat seluruh indonesia.hehehee...
    bang pendi gosipin yang lain aja yuk...

    aku bosen denger nama Gayus dan Susno
    heheheee

    BalasHapus
  29. markus itu = makelar kasus / mafia kasus yakkk
    heheh
    anag belakang rumahku tuchhh

    BalasHapus
  30. hmmm
    aku gak kenal sob ma markus apalagi punya hubungan
    :D

    BalasHapus
  31. hahaha makanya bang pendi volumenya dikecilin atuh
    kedengeran deh tuh sama markus2 laennya hihihi

    BalasHapus
  32. Siswa saya ada yang namanya Markus bang...
    jadi tenar dia sekarang..

    BalasHapus
  33. Sory baru sempat mampir ngupi ama Bang fendi...

    BalasHapus
  34. gita.rindu@yahoo.com14/4/10 16:45

    IYE NICH SI MARKUS LAGI NAIK DAUN>>>ALBUMNYA NGEBOOMING NECH...lam kenal dong kang sama si markus...he..he..he

    BalasHapus
  35. rasa perkedel bang pendi gmn ya?
    penasaran pengen nyicip nih...

    BalasHapus
  36. Kuuuus kus.. nasib mu..

    BalasHapus
  37. ronda malam sapa tau bang pendi bikin ulah :)

    BalasHapus
  38. asskum kunjungan pertama q nieyy

    mampir balik ke blogku n follow me yaww

    hanif4h.blogspot.com

    BalasHapus
  39. Makan pisang goreng enaknya sama ketan, Bang. Di warung Mpok Mumun ade kagak? Eh, si Markus dateng ke sana mao ngapain Bang? Nyicip pisgor juga? :)

    BalasHapus
  40. pendi..jgn bingung kalo mo ikutan. pilih aja blog yg kamu ingin review. coba liat contoh review para peserta.

    BalasHapus
  41. Gayanya nahan pipis, padahal celananya basah! hahahahaha ...

    BalasHapus
  42. Wah. lama juga baru mampir di sini

    BalasHapus
  43. Bang Pendi...
    postingan barunya koq nggak muncul yah, tp udah ada update di blogroll aku... ^^

    BalasHapus
  44. aku takut ngomong markus soalnya tetangga aku, temen aku ngajar ada yang namanya Markus

    BalasHapus
  45. Markus tersohor amat ya?Jadi pembicaraan di mana-mana...hehe

    BalasHapus
  46. bang bang ada awrd dan tag buat abang
    kerjakan yah awas klo gak hihihihi
    http://riaadria.blogspot.com/2010/04/kena-deh.html

    BalasHapus
  47. hahaha...masuk dapur rekaman asyi juga ya..

    salam,
    tfd

    BalasHapus
  48. perkedel Bang Pendi bikinan Mpok Mumun pasti lezat tuh!!!

    piss Bang!
    hehehehe

    BalasHapus