Halaman

Jumat, 10 Juni 2011

REUNINYA BANG PENDI

Umurnye Bang Pendi ude kepale tige tapi urusan jodoh rasa-rasanye masih jauh. Bayangin aje, temen-temen seangkatannye ude pade punye anak seumuran anak SMP, die belon juge nemuin perempuan yang mao diajak kolaborasi buat bikin anak, hehe. Sama aja dengan jodoh, rejekinye juga bise dibilang seret. Sampe sekarang die masih nganggur, dulu kerja di tokonye Koh Achong die dipecat gare-gare keseringan kentut waktu ngelayanin pembeli. Coba-coba jualan duren, die kapok. Gare-gare ujung kakinye ketiban duren sampe pecah jadi lima, hehe. Lame-lame die mikir, ternyate jodoh ame rejeki ada korelasinye, rejeki seret jodoh juge bise ikut seret. Saking susahnye dapet cewe, babehnye sempet nyeletuk.."Mangkanye cewe banyakin! jangan pitak di palelu yang dibanyakin..." set dah...tega amat ye! hehe..

Kalo lagi pusing gini, biasanye Bang Pendi ngeloyor ke warungnye Mpok Mumun. Biase..nyari utangan, hehe. Nyampe disono, ude ada si Udin ame si Makmun, temen seangkatannye waktu di SMP. Kedengerannye sih lagi ngomongin soal reuni.
"Nah...nah, elu pade mau ngadain reuni ye?" Sela Bang Pendi.
"Ah elu Pen, ngagetin gue aje! Lagian mau tau aje lu..." Ujar si Udin.
"Yah...mentang-mentang di SMP gue paling imut, baik hati, tidak sombong dan rajin cukur bulu ketek. Elu pade mao reunian, gue kagak diajak-ajak.." Bang Pendi rade ngedumel. Si Udin ame si Makmun saling pandang ( tapi kagak pake kedip-kedipan mata, hehe..). Die bedue langsung ngakak.
"Iye..iye deh gue kasih tau. Reuninye besok minggu, selepas Johor di rumah Markonah" kate si Makmun sambil nahan-nahan tawa.
"Heh...Markonah temen kite yang ude janda ntu?" Bang Pendi nyengir seneng.
"Huuuu...dasar Pendi! Denger jande...langsung deh" celetuk Mpok Mumun.

Hari minggu siang, Bang Pendi ude rapi jali. Baju baru, celana baru...sepatu juga baru (Baru ngembat di kampung sebelah, maksudnye...hehe). Belon Johor Bang Pendi ude nyampe di rumahnye Markonah, lumayan bise pedekate ame ntu jande sebelon temen-temennye dateng, pikirnye...hehe.
"Eh...elu Pen. Mao ngapain kesini?" tanye Markonah heran.
"Ta..elah tega amat lu, pake ditanyain mao ngapain. Gue pan mao ngeliat reunian, emangnye kagak boleh!?" ujar Bang Pendi.
"Reuni? Bo..bo..boleh. Oh..iye, masuk deh Pen. Elu mao ngopi?"
"Boleh deh, sambil nungguin temen. Eh...mao reunian kok pake ade balon segale?" tanye Bang Pendi pas ngeliat ade balon-balon digantung.
"Iye...reuninye sekalian ngerayain ulangtahun anak gue yang SMP" jawab Markonah.

Abis nganterin kopi, Markonah ijin kebelakang buat nyiapin kue. Bang Pendi duduk diteras depan sambil nguyup kopinye. Nggak lama, dateng satu persatu anak-anak kecil sepantaran SMP. Sebenernye Bang Pendi agak heran..."Reunian gue kok digabung ame anak-anak kecil sih?," akhirnye die cuek. Tapi sampe acara ntu anak-anak ude mao bubar, si Udin ame si Makmun belon juge keliatan batang idungnye. Karena penasaran, akhirnye die nanya juga me Markonah.
"Mar...sebenernye acara reuni kita jam berapa sih? kok sampe jam segini, yang laen belon dateng.."
"Reuni kita? Siapa yang mao reuni?. Yang ada...ntu anak gue yang reunian ame temen-temen SD nye.." jawab Markonah. Muka Bang Pendi langsung merah kayak tomat busuk, kagak permisi lagi die langsung ngeloyor pergi.
"Kurang asem..!! Gue di kadalin si Udin ame si Makmun..." Bang Pendi ngedumel. Dijalanan, die ketemu ame mereka.
"Udahan Pen...reuninye?" tanya si Udin.
"Udahan palelu bau menyan! Brengsek lu pade...." Bang Pendi ngamuk-ngamuk. Si Udin ame si Makmun ngakak ampe guling-guling.
"Lagian, orang gue lagi ngomongin reuni anak gue...elu maen nyela aje. Salahlu sendiri...!!" si Udin ame si Makmun ngakak lagi.

27 komentar:

  1. reunian di afrika bang..?
    pantesan gak pernah nongol...
    lain kali jangan jalan kaki kalo kesana
    kesian penggemar kelamaan nunggu

    BalasHapus
  2. aku juga mau silaturrahmi bang dengan teman-teman blogwalking kita dulu rasanya rindu banget nggak pernah berkunjung

    BalasHapus
  3. Bang, kalo di jawa timur...di surabaya
    markonah tuh waria yang terkenal lho Bang....

    cantik deh!!!

    BalasHapus
  4. lama benar bang kagak muncul-muncul..

    kasihan bang Pendi udah seret rejeki seret jodoh juga, tapi emang kayaknya ada hubungan deh antara keduanya, coba lihat cowok2 yang pada berduit, buset dah biarpun udah kakek2 masih juga jadi rebutan wanita.. he he he

    BalasHapus
  5. hahahaha bang pendi dikadalin mulu
    aduh tenang bang baru kepala 3 belum kepala 5 :p

    BalasHapus
  6. mhuahahaa.. bang pendi lama nggak cerita, sampe-sampe muncul dah kepala tiga. blom dapet jodoh pulak.. ckckck...

    sampe-sampe salah dateng ke acara reunian.. yaa siapa tau nemu daun muda alias anak SMP dii reunian yang salah tempat itu??.. hehehe

    BalasHapus
  7. dikerjain sama temennya ya... reunian sama anak-anak di bawah umur, heheheh...

    BalasHapus
  8. kasihan amat... kalau gitu bang pendi ikutan aku reunian aja ya? mau gak?

    BalasHapus
  9. bang pendi... ternyata habis libur panjang juga ya? sama dong... hehehe

    BalasHapus
  10. wakkkkk..kacian si Pendi dikerjain teman2nya. hahhaa

    BalasHapus
  11. @Rawins : Iye..bener Bang, ke Afrika. Mukanye Bang Pendi aje ude kayak kudanil..hehe
    @Pak Munir : Makasih Pak dah sempet mampir kesini, Bang Pendi jga pengen silaturahmi kita tetap terjalin...
    @Mba Elsa : Ah..yang bener Mba!? kenalin Bang Pendi dong...hehe
    @Bang Jamal : kayaknye emang begitu Bang...ada uang abang disayang, ga ada uang abang ditendang...hehe
    @Mba Ria : Iye nih Mba, masa kadal dikadalin...hehe
    @Mas Gaphe : Bener tuh mas, kayaknye mesti cari daun muda...biar awet tua! hehe
    @Mba Ami : Iye Mba, biar nanti Bang Pendi bales..hehe
    @Mba Reni : wah..kayaknye reunian sama Mba Reni mantap nih. Bang Pendi ga libur panjang, cma semedi nyari ilham tapi ga dapet2...hehe
    @Mba Fanny : Iye Mba...kasian ye!? hehe

    BalasHapus
  12. Bang Pendiiiii, aye ampe geli sendiri pas baca dibagian kakinya ketiban duren sampe pecah jadi lima... hiyy! :-S

    BalasHapus
  13. hahahahhaha... kasihan deh ama bang Pendi.... berharap CLBK ya, maka semangat banget datang ke acara Reunian ya ..??

    BalasHapus
  14. lama bener bang ga keliatan..kemane aje?haha :p

    BalasHapus
  15. @Mba Rin : sebelum ketiban duren, kakinye rapet kayak ikan duyung. sekarang jdi punya lima jari..hehe
    @Mba Sukma : pengennye sih begitu Mba, tpi harapan tinggal harapan..hehe
    @Yen : hibernasi Mba! hehe...kyk beruang aje ye

    BalasHapus
  16. jadi, setelah ditinggal beberapa hari bang pendi dah nemu jodohnya belom nih?

    #emangGampaang??

    BalasHapus
  17. Assalamu'alaikum. Pa kabar nih bang.
    Kalo nyela omongan berabe juga ya Bang jadi kadal hehaha

    BalasHapus
  18. @Gaphe : kayaknye nunggu mas Gaphe dulu nih, Bang Pendi nyusul depanan...hehe
    @Pak Sis : Waalaikumsalam...kabar baik Pak. Bener tuh Pak, emang berabe kayaknya. Tapi masih untung jdi kadal, bukan engkongnya kadal...hehe

    BalasHapus
  19. eh bang pendi salah rumah kali ya?

    BalasHapus
  20. hahaha reuniannya bang pendi cm berdua doang sm markonah..ditemenin anak2 smp hihihi..

    BalasHapus
  21. huahahahhahahah...gubrak..
    Kangen aye sama Bang Pendi udah lama kagak baca tulisannya, ehhh pas muncul Bang Pendi lagi reonian rupanya.
    Ngomong2 ada apa bang pendi ama Karkonah

    BalasHapus
  22. sabar ya bang Pendy..jodoh gak bisa diatur2..ntar juga datang sendiri kalo dah waktunya..

    BalasHapus
  23. Bang pendi kemane aje...hehehe apa aku yg udh lama gak kemari ya...
    Hahaha...ada2 aje
    kangen ane jd terobati dg kelucuan bg pendi...

    BalasHapus
  24. duh kasian jg ya bang pendi di kerja'n. he...
    sabar ya mas. hehe...
    v lcu jg ya reunian'y bang pandi. hehe.......

    BalasHapus
  25. Masa lalu selalu indah untuk kita kenang. Melalui reuni kita jalin silaturahmi dengan lebih erat. Sayang kali ini Bang Pendi harus menelan pil pahit akibat selalu tergesa-gesa dan tidak buka kuping lebar-lebar.

    BalasHapus
  26. Nggak usah bingung-bingung kalo soal jodoh. Nih nenek temen aye ada nyang nyari jodoh juga, dulu juga seumuran ma Bang Pendi sekarang. Mau Bang? :D

    BalasHapus
  27. hadoohhh, tiap maen ke blog satu ini mesti ketawa sendiri, Bang Pendiii ohhh nasibmu Bang.., udah apes dikerjain jg ama temen2nya tambah apes dehhh ^_^

    BalasHapus