Halaman

Sabtu, 17 Juli 2010

KOMPOR M'LEDUG

Hadoooh....bang Pendi minta maaf nih ame sodare-sodare, kagak apdet-apdet ame jarang mampir ketempat sohib-sohib. Abis bang Pendi puyeng kayak mikirin negara, sekarang-sekarang ini banyak yang aneh-aneh. Bayangin aje, katanye satpol mao dikasih senjata api padahal pake pentungan aje banyak orang ude pade dibikin bonyok apelagi dikasih pestol...bisa banyak yang modar tuh !. Bang Pendi juga puyeng mikirin adeknye si Ariel..hehe. gara-gara otak mesumnya, sekarang jadi di penjara. Emang susah juga anak-anak muda sekarang, kagak boleh ngeliat jidat licin dikit. Gayanya ude kayak sekretaris kelurahan, bawaannya pengen langsung kasih stempel aje...!! hehehe....Maaaaaaaaf..!!

Yang bikin bang Pendi tambah puyeng, sekarang ape-ape pade naek ! listrik naek...beras naek...telor naek...ayam naek...cabe keriting juga naek ( padahal ude direbonding..hehe ), sampe mas-mas juga pade naek..( abis ujan mulu...hehe ). Kalo harga-harga ude pade naek gini, ude pasti enyak males masak ( ape yang mao dimasak, orang kagak kuat beli...ye ngga ? ). Apelagi sekarang enyak rade-rade ngeri kalo mao masak, soalnye ude banyak kejadian tabung gas pade meleduk. Pemerentah mah kagak mao tau...nyediain selang buat ganti..eh..malah disuruh bayar ! hah..kebangetan bangat dah...nyusain rakyat kecil mulu. Bayangin aje...saking takutnye, enyaknye bang Pendi kalo nyalain kompor pake tekep ( tutup kuping ). Ude kayak bocah yang lagi mao pasang petasan...hehe. Tempo-tempo bang Pendi pernah nyeletuk...
" Lha..kagak ngaruh nyak.., nyalain kompor pake tutup kuping. Kalo ude meleduk...mati mah, mati aje !" Kate bang Pendi.
" Eh...elu nyumpahin gue mati ye..!?" Bales enyaknye sewot.
" Ya kagak nyak..! lagian nyari enyak yang jelek kayak gini pan susah, cuman ade atu-atunye di dunia.." Jawab bang Pendi asal. Kagak heran kalo centong sayur langsung melayang kemukanye bang Pendi. Untungnye bang Pendi ude belajar jurus " kunyuk metik petai " dari wiro sableng, jadi ntu centong kagak kena jidatnye...hehehe

Gara-gara kagak kuat beli lauk akhirnye bang Pendi tiap hari cuma makan ubi yang die cabut dari kebon. Sekalinye ade nasi..lauknye cuman jengkol semur, abis cuman ntu yang ade di kebon. Lha..kalo tiap hari makannye ubi-jengkol...ubi-jengkol, ude bisa kebayang pan baunya.... kalo kentut..hehe. Tapi antara bang Pendi, babenye ame enyaknye ude punya perjanjian tak tertulis, kalo kentut mesti diluar rumah. Mangkanye jangan heran kalo lewat rumah bang Pendi terus ngeliat enyaknye lari-lari keluar rumah sambil ngangkat kaennye dikit biar ngga keserimpet..." awas.....awas...!!"  nyampe diluar pegangan pager terus...Brooooottt !!! wuiiih...mantap dah...ude kagak pake baygon lagi, nyamuk-nyamuk dikebon ude pasti langsung tewas seketika....hehehe

Udehan dulu ye...ide bang Pendi lagi buntu. Met wiken aje deh...

24 komentar:

  1. kalo masalah gas meledug, kayaknya bukan pemerintah yg perlu disalahin deh bang, oknum2 yg ga bertanggungjawab itu yg harus dpertanyakan.. msyarakat jg bagusnya ngikutin iklan lpg dangdutan tu, biar aman. jangan ngidupin api kalo uda tau ada gas bocor, biar cm rokok.
    busyet... keboo sok tau begini..

    kalo masalah satpol pp bawa senjata, asal mereka uda dilatih5taon n diiket dg peraturan ketat(misal cm boleh ngeluarin tembakan peringatan k atas aja, kec yg dihadapi adl teroris) aja, daripada satpol pp mati gara2 amukan massa, hehe...

    hehe cm hayalan keboo

    BalasHapus
  2. jurus munyuk metik petai..heheh kayak apa tuh? hmm..pantes kalo ke sini kecium bau jengkol.hahhaa

    BalasHapus
  3. haduuuuuuh,,,kasian amat tiap hari makan jengkol...aku blum pernah ngrasain lho...emang enak ya???

    BalasHapus
  4. ha..ha...hmm tulisan kocak bekal bermalam minggu yang panjang. Mendekati bulan puasa dan hari raya ini harga-harga sudah mulai menggeliat ya disini ? Kalau udah begini 'kencangkan ikat pinggang' menjadi jurus terakhir kita. Semoga ke depan Indonesia menjadi lebih baik lagi, maju dan sejahtera. Mengapa tidak mencontoh China si raksasa ekonomi dunia ? Dulu China juga miskin tetapi sekarang sudah jauh meninggalkan kita, padahal penduduknya satu milyar lebih. Mereka bisa. Indonesia pasti bisa!

    BalasHapus
  5. Wah hebat juga bang tuh mak. Suruh berjihad ja bang ke gaza. Bias sekali prottt langsung dweh tentara irak pada mati.he...

    BalasHapus
  6. aslm wr wb kawan lama p kbr :D

    ada bajuqueen.blogspot.com dmana kmu bs beli baju cntik

    BalasHapus
  7. Elok punya saran buat bang pendi, gimane kalau pas si emak atau bang pendi atau abah buang gas (I mean kentut), ditadahin sama tabung, bang. biar engga jadi mubazir tu gasnya ,, kan lumayan bisa jadi gas tambahan buat masak..hehee :D

    BalasHapus
  8. bang, baca judulnya kirain bang pendi bakalan item2 berjelaga gitu gara2 kompornya mledug, eh malah dikasih jurus kunyuk metik petai,

    tp, well.. aku tetep mesem2 baca cerita abang,:D

    BalasHapus
  9. Eh..., barusan siapa yg kentut nih..? Kok bau ya masuk kesini..? hehehe

    BalasHapus
  10. Wah emaknya, gokielll... he he

    BalasHapus
  11. kirain kompor meLedung karyanya bang bens, eh gak taonya karya bang pendi. mantep dah bang, tuLisanye ngegeLitik dan ade pesen moraLnye.

    BalasHapus
  12. ketinggaLan tadi.
    ngejawab pertanyaan:
    pertanyaannye bang pendi di koLem komentar bLog saya, ntu udah ada diparagraf 2 tuLisannye ane.

    BalasHapus
  13. indonesia,,indonesia..
    bikin pusing ya bang..
    :p

    BalasHapus
  14. Siang Bang Pendi ,...duh bener tuch bang..hampir tiap hari beritanya kompor meleduk.

    BalasHapus
  15. wedew....
    emaknya keren euy ^^

    have a nice day bang pendi ^^

    BalasHapus
  16. Selamat siang... mampir lagi. Apa kabar ?

    BalasHapus
  17. met malam..updateee.sambil b awa jus pete

    BalasHapus
  18. makan ubi ama jengkoL cocok tuh bang, bisa untuk mencegah masup angin. hehehe...

    ngejawab pertanyaan:
    paLing enggak begono bang jangan sampe kekarungan cairan dan unsur garem juga kaLsium, biar kaLsium Lebih ideaL untuk tuLang tapi ngaruh juga Loh. terus jangan Lupa deh rajin-rajin oLahrag, begono aje yeh bang semoga jeLas. tapi jangan jeLes, hihihi...

    BalasHapus
  19. Iya kadang juga jadi senam jantung tiap nyalain kompor gas, walaupun tabungnya isi 12 kg. Soalnya udah lama nggak dipake sih...

    BalasHapus
  20. tapi trantirannya jadi kan bang?? :P

    BalasHapus
  21. baLik Lagi nih bang, tadi Lupa beLom ngucapin seLamet istirahat. saLam sehat seLaLu untuk bang pendi dan keLuarga.

    BalasHapus
  22. kompor mbleduk sering, yang jarang tungku bledossss..., hehe

    nb: mengundang kolaborasi....

    BalasHapus
  23. kok blum updet bang???

    BalasHapus
  24. bener bgt kalo satpol pp dikasih pistol yg ada org yg jualan dikaki lima bisa mati semua =))

    BalasHapus