Senin, 15 Februari 2010

OBROLAN DI WARUNG KOPI ( 15 )

Sebenernye bang Pendi rade-rade males posting tulisan ini, soalnye kagak jelas ngomongin ape ! tapi mao ngomongin politik juga ude males....bang Pendi ude kagak tau deh, mane yang bener..mane yang salah. Pak Antasari ude dihukum 18 tahun penjare ( ude sesuai ape belon ? bang Pendi kagak ngerti ), ngomongin soal Century juga ude capek...kagak selesai-selesai. Ditambah lagi ribut-ribut antara Demokrat dengan Golkar...haaaaah ! makin puyeng aje ni kepale...

Si Jabrik          :  Bikinin kopi mpok ! ( pas baru masuk warung )  Eh...si Pendi kemane mpok, kok belon keliatan ?

Mpok Mumun :  Yah...si Pendi elu tanyain, paling-paling die masih molor...pagi-pagi gini. Lagian ngapain, emangnye elu mao valentinan ame die ? ( tanya mpok Mumun cekikikan sambil bikin kopi )

Si Jabrik         :  Jiaaaah..valentinan !! itu mah buat anak-anak mude yang punye duit, aye mah boro-boro mikir gituan. Aye mao ngajak si Pendi mancing ! mumpung engkoh Achong masih libur...

Mpok Mumun : Eh...elu salah brik ! modal mah kagak penting, yang penting..gimane caranye ngungkapin kasih sayang. Tapi ade benernye juge brik ! elu kagak usah ikut-ikutan dah...soalnye banyak yang salah kaprah. Gue denger...malah banyak pasangan anak mude yang pade ngamar di hotel-hotel pas malem valentine...

Bang Pendi    :  Jangankan anak mude mpok, anak-anak SD disini aje...ude pade belajar ngamar tuh ! ( baru dateng langsung motong obrolan si Jabrik ame mpok Mumun sambil nyamber pisang goreng )

Si Jabrik        :  Ah...yang bener lu Pen ? ( si Jabrik penasaran, mpok Mumun juga )

Bang Pendi    :  Yah...elu ngga percaya amat sih brik ! ponakan gue aje yang baru 2 tahun ude pinter. Ngamar binaaa..taaang.. ! ngamar...pemaaan...dangaaaaan..! ( bang Pendi niruin orang bindeng ato yang sulit ngomong, si Jabrik langsung ngakak sedang mpok Mumun gondok )

Mpok Mumun  :  Brengsek lu Pen ! lame-lame gua siram kopi lu... ( ujar mpok Mumun dongkol sambil ngangkat gelas )

Bang Pendi     :  Eiiit...ngga usah repot-repot mpok ! mpok Mumun taroh aje kopi di gelas, nanti aye yang nyiram sendiri ( bang Pendi ame si Jabrik cekakakan , mpok Mumun makin dongkol ). Lagian repot-repot amat sih mpok...mikirin anak-anak mude yang kayak gitu, suka-suka die dong ! mao ngamar ape kagak...die pade sendiri yang bayar, enak ape nggak enaknye..die juge yang pade ngerasain ! masa ..die-die pade yang masuk kamar yang ngerasain enaknye si Jabrik, kagak mungkin kan...!? ( bang Pendi cekakakan lagi, si Jabrik celingak-celinguk...die kagak ngarti namanye dibawa-bawa )

Si Jabrik         :  Maksudnye apaan sih Pen ? gua kagak ngarti....( pasang muka oon bin oneng )

Bang Pendi     :  Oh...ntu maksudnye, anak-anak mude pade capek...keringetan pas ngerayain valentin. Kalo elu kan enak, nongkrong disini...ngupi ! kagak pake keringetan...( Si Jabrik manggut-manggut aje kayak ngerti, bang Pendi hampir keselek singkong nahan-nahan tawa. Mpok Mumun juga jadi cekikikan sendiri.. " pantesss... si Pendi seneng banget punye temen si Jabrik, ntu anak oon banget..jadi gampang dikadalin " )

Si Jabrik         :  Ya..udah ! sekarang jadi mancing nggak Pen..? gue ude bawa pancingan tuh...( sambil nunjukin pancingannye )

Bang Pendi     :   Mancing ? elu bawa empan ( umpan ) apaan brik.?

Si Jabrik         :   Cacing...emang kenape ?

Bang Pendi     :  Yah..ude kagak jamannye brik, mancing pake empan cacing. Lama dapetnye..! Elu bawa cebanan berapa...? ( sambil ngeliat kantongnye si Jabrik )

Mpok Mumun :  Heh...heh...anak orang elu kadalin mulu Pen..! kuwalat lu...( mpok Mumun nggak tega ngeliat si Jabrik dibohongin si Pendi )

Bang Pendi     :  Yah..mpok ! kalo buaye..aye emang keder ( ngeri ) dah..ngadalinnye, tapi die mah cuman anak kodok jadi nggak apa-apa di kadalin ( bang Pendi ame mpok Mumun cekakakan, si Jabrik sebenernye masih bingung tapi ngeliat pede ketawa...die ikut-ikutan ketawa. Bang Pendi makin cekakakan ).

Nah...kagak jelas kan ngomongin apaan !! tapi bang Pendi mohon maaf nih...karena emang suka negatif thinking kalo ade pasangan yang masuk kamar, padahal kan belon tentu juga ngapa-ngapain ! siapa tahu aje mereka berdua cuma mao maen catur, siape tau juge...mereka keringetan karna capek ngangkat-ngangkat benteng ame kuda. Ye nggak...!! he..he..he

32 komentar:

  1. pertama kayanya nih,,test dulu

    BalasHapus
  2. pas banget ceritanya,saya juga lagi ngupi,hehehehe,,,pagi2 dah ketawa

    BalasHapus
  3. He, dasar Pendi. Orang ngamar itu ya maen catur kalee. Tau ah, valentine itu lucu buat saya. Ayo, ngupi lagi pen....

    BalasHapus
  4. hehehe...bang pendi mah,negatif think melulu.

    BalasHapus
  5. kasian si jabrik...

    jangan negatip tingking dulu bang....
    sapa tau mereka ngamar cm karena malu soalnya mau maem rujak jengkol plus sambel pete..
    keringetan dah gara2 pedes.. hehe

    BalasHapus
  6. asal jangan mancing kerusuhan aja ya bang...hehe
    itu si jabrik betah aja yak, temenan sama bang pendi. padahal sering dibecandain tu

    BalasHapus
  7. iye ye..jgn curigation aje ya, bang pendi. he ehehe...

    BalasHapus
  8. yah si bang pendi jangan neg think terus atuh bang...btw kapan dateng ke kedai kopinya bang? kok tiba" udah nongol aje? :P

    BalasHapus
  9. weh keringetan soale abis bangun benteng biar rajanya aman tuh ehehheh

    BalasHapus
  10. Hehehehe..iya ya..kalau masuk kamar..hmm pasti ada multi tafsir..

    BalasHapus
  11. piet perdana mampir disini...
    ^__^
    senyum² baca artikelnya...
    hehehe :D
    innovatif GOKIEL......
    hahahaha

    BalasHapus
  12. hahaha..jangan kelamaan digangguin si mpok mumun, ntar ngamuk beneran

    BalasHapus
  13. Salam sejahtera
    huach...ha..ha..
    saya jadi ketawa terpingkal-pingkal
    membaca tulisan di atas
    gokil abiz
    hampir salah paham aku bacanya

    BalasHapus
  14. wakakakk ternyata nggambar bukannya ngamar :D

    BalasHapus
  15. Kasihan si Jabrik... dibohongin terus ama si Pendi... hehehe

    BalasHapus
  16. Mpok Mumun mau-2nya dengerin obrolan ngalor ngidulnya si Pendi dan si Jabrik ya...? hahaha
    Moga-2 aja mereka gak ngutang ke Mpok Mumun.. :p

    BalasHapus
  17. hahahahaha
    tulissan yang menyegarkan..

    BalasHapus
  18. hus hus ayo bang jgn negative thinking hehehe :p

    BalasHapus
  19. salam sobat
    wah sudah sampai obrolan di warung kopi 15 nich,,
    bang Pendi,,masih suka usil dan bohong ya,,

    BalasHapus
  20. iye bang Pendi, jangan suka pikiran yg nggak2x. Ntar klo mau ngintip lg ajak aye dung.

    BalasHapus
  21. ngamarnya luthu bang pendi... :-D

    BalasHapus
  22. dasar bang pendi... tegaaaaaaaaaaa... ! hehehhe

    BalasHapus
  23. pasangan masuk hotel mau ngapain yah enaknya....

    BalasHapus
  24. ada kiriman tag yah.... monggo di ambil di postinganku Tag Food For Soul..... otre

    BalasHapus
  25. bang pendi... ada award nih buat abang.. kekandang n diambi yah..

    BalasHapus
  26. diskon khusus buat bang Pendi ama si Jabrik yang udah bikin warung kupi sumringah....

    BalasHapus
  27. salam sobat
    ayo..ngobrol di warung kopi bang Pendi,,
    sudah ke 15 nich,,obrolannya.
    saluut banget sama tulisan komedinya mas NOOR.

    BalasHapus
  28. iya nih bang pendi jangan curigaan dulu..

    tapi masak mau main catur harus pake ngamar segala.., he he..,

    tapi kali aja mereka abis jogging di kamar jadi pade keringatan.., aaahh..,

    gak tahu ah.., tapi yg jelasnya saya gak ikut ngerayain..,

    BalasHapus
  29. You do a really great job. Thanks for posting. Keep it up!

    BalasHapus
  30. wah b.pendi curigaan sih.

    oh iya link saya kok salah ya, mohon di ganti sob

    link: http://blog.umy.ac.id/tutorialblogging
    (bukan http://blog.umy.ac.id/)
    teks: tutorial blogging

    terima kasih

    BalasHapus
  31. oh iya sob saya kok salah tuulis ya, mohon diperbaiki

    link: http://blog.umy.ac.id/tutorialblogging
    (bukan http://blog.umy.ac.id/)

    teks: tutorial blogging

    terima kasih

    BalasHapus