Halaman

Rabu, 05 Mei 2010

MASIH TENTANG REVIEW

Sebenernye ini bukan sambungan review kemaren, tapi cuman mao ngasi tau mba Fanny buku novel ape yang bang Pendi pengen. Abis...mba Fanny bise aje, kehamilan bang Pendi eh...repiunye bang Pendi mao digugurin atawe mao didiskualifikasi ( kayak lomba balap karung aje ade diskualifikasi...he...he ). Ya...terpaksa deh...mao ngga tapi mao postingnye nambah.....

Padahal seperti bang Pendi bilang kemaren.. " keinginan " dapet novelnye ude bang Pendi buang ke empang...nah sekarang keinginan itu kudu bang Pendi cari lagi dah..!. Mane bang Pendi lupa lagi empang yang mane, soalnye empangnye banyak. Masak bang Pendi kudu ngubek-ngubek semua...!? Eh... tapi bang Pendi inget, waktu ntu die buangnye pas lagi ngebom di jamban..( nah...ngebom yang ini laen, kalo di Irak yang dibom pade lari kocar-kacir...kalo yang ini di bom malah pade nyamperin. Malah..pas bang Pendi brenti ngebomnye dari bawah ade yang tereak...." Suiit...suiit...lagi dong ! lagiiii...!! " sambil goyang-goyangin ntu jamban. Bang Pendi jadi berasa kayak artis diatas panggung..he..he )

Nah...bang Pendi cari-cari deh empang yang ade jambannye, tapi pas ude ketemu...die lupa ke sebelah mane buangnye. Bang Pendi juga ragu-ragu mao turun ke empang, bukannye die jijik karena empangnye kotor atawe ade jambannye...die cuman takut ame lele ! bukan ape-ape....biasanye kalo bang Pendi turun ke empang, pan ikan pade lari ngumpet...nah kalo lele kagak !! apelagi kalo bang Pendi cuman pake kolor atawe celana boxer. Nah...ntu lele pade berebut nyenggal-nyenggol. Pan...geli-geli gimana gitu....!he..he. Kalo nyenggal-nyenggol doang sih ngga ape-ape, bang Pendi pikir.." paling juga lele-lele itu ikan lele cewe yang genit ". Yang bang Pendi takutin kalo ikan lelenya ...lele cowo ! lha...kalo ngajak berantem gimane...!? bise berabe....he..he

Akhirnye bang Pendi turun juga ke empang tapi sambil getok-getok aernye pake kayu biar lelenye ngga pade nyamperin. Tapi baru aje turun...tiba-tiba ade yang tereak dari jamban...
" Heh...ngapain lu Pen disitu !? mao ngintip gue ya..." tereak mpok Saodah dari jamban. Bang Pendi kaget, die kagak tau kalo ade orang disitu.." set dah...sembarangan aje ngintip ! lagian ape enaknye ngintip orang lagi beol " pikir bang Pendi.
" Kagak mpok...kagak ngintip ! aye cuman mao cari kepengenan ( keinginan ) "
" Pengen ape...!? pengen gue lempar.........( sengaja dikasih titik-titik, soalnye nggak enak kalo yang baca lagi makan...he...he ), ape pengen palelu gue lelepin diluuuuuuum...puuuuuuur ! " mpok Saodah tereak-tereak sambil ngeden. " Nah...lo, ngeden-ngeden dah tuh ! makanye jangan kebanyakan makan jambu klutuk ( jambu biji ). Lagian lagi beol aje galak amat...!" bang Pendi ngedumel sambil cekikikan.

Akhirnye baru sore..." keinginan " itu ketemu. Abis...yang naek jamban pade ngantri, pake acara berebutan segala lagi. " Jiaaaah...naek jamban aje pake berebut ! kayak bocah pade berebut naek odong-odong aje..." pikir bang Pendi. Eh...tapi bang Pendi malah dapet ide.." Gimane kalo jambannye die ganti ame odong-odong ! kayaknye enak tuh...buang hajat sambil ajut-ajutan...he...he. Ngebom juga bise diiringin musik...." Lihat kebunku...Plung..!! penuh dengan bunga...Plung..plung..plung !! he..he..he ".

Hah...emang kebiasaan bang Pendi kalo mao ngutarain sesuatu pake acara muter-muter dulu..he..he. Nah..untuk mba Fanny, keinginan buat dapet novel ketemu nih...! awalnye sih kepengen novel " The girls of Riyadh ( Raja Al Sanea )" tapi kayaknye ude banyak yang minat. Bang Pendi ganti aja deh ame " My Stupid Boss ( Chaos@work )" kata mba Fanny pan ceritanye gokil, barangkali kalo baca cerita gokil...sarapnye bang Pendi bisa ilang atau malah makin sarap....!! ngga tau deh...he...he

Maaf...otak bang Pendi emang bener-bener lagi konslet ! kalo ade sohib yang kurang berkenan ame tulisan diatas...tolong kasih tau, kalimatnye langsung bang Pendi hapus. Salam hangat & sukses selalu.....

23 komentar:

  1. Bang Pendi jorooookkkkk....., *lari sambil tutup idung*

    BalasHapus
  2. Semoga novelnya dpt membuat Bang Pendi kagak konslet lagi..! *komat kamit baca mantra*

    BalasHapus
  3. Just want to say... Hai...
    Hehehe

    BalasHapus
  4. Bang Pendi masih kocak aja. Apa kabar ? Semoga sukses kontes reviewnya.

    BalasHapus
  5. untung aye udah makan, pen. kalo gak bisa hoeeek.hoeekk..kyk orang halim eh, hamil..jadi ngebayangin ikan lele pada nyaplok ampasnya bang pendi. iih, jadi gak berani makan lele deh. hi hi hi..

    tapi emang ye..ente tuh kalo mo ngomong sesuatu pake muter2 dulu. ape kagak pusing tuh, pen?

    ane aje yg bace jadi kelenger nih. langsung aje nape? ampun ane jadi ikutan pake bahase betokai nih, eh...betwi maksudnye. iye deh.udeh dulu yeee..byee ..

    BalasHapus
  6. eh, balik lagi nih, pen..iyee..aye catet deh permintaan novelnye....

    BalasHapus
  7. ahaha bang pendi nyari keinginanya repot bener
    semoga bisa didapatkan deh ^^

    BalasHapus
  8. ha ha ha ha ha perutku sakit, ikut antri deh... nomor berapa?

    BalasHapus
  9. orang satu ini sablengnya gak ketulungan! wkwkwkwkwk!

    BalasHapus
  10. waduh bang pendi review trus nih, pengen koleksi novel ya wkwkw...

    BalasHapus
  11. ahaha, masa buang hajat sambil ajut-ajutan bisa berceceran kesana kemari ntar bang ckckc...

    BalasHapus
  12. ah bang pendi bisa aja.. ntar baca novelnya diempang sambil ngebom ya bang?

    BalasHapus
  13. Lama ga silaturahmi dengan bang Pendi, ternyata bener aja, masih kudu ati-ati ( soale takut dikira obatnya abis, cengar-cengar sendiri, hihihi ).
    Bang Pendi pernah pengen baca novel The Girls Of Riyadh? Alhamdulillah, saya punya ebooknya, dulu donload di ...dimana ya? ah ga mungkin lagi donlot di empang apalagi masih was-was ada mpok Saodah di sana. kekekekke...bang Pendi, matur nuwun, dah bikin pipi ini mundur terus.

    BalasHapus
  14. bang Pendi...ntu yg undian berhadiah kan tinggal pilih artikel peserta lain. gampang kok. gak perlu review lagi. pegimane si ente? hehehe..

    BalasHapus
  15. wah pantas nih bang pendi kemarin gue beli dipasar ikan lele begitu dipersihin didalam perutnya banyak kotoran berbentuk P pasti punya bang pendi tuh, (walah beli Sulawesi bang pendinya di Jakarta kok bisa ya, wah ikutan koslet nih aku gara-gara spammer)

    BalasHapus
  16. asli gak ngerti bang Pendi... pasti nih masalah pribadi, gak ape-ape... kan yang penting hadir! Iye gak? David.... Hadir bang! (Sambil tutup idung...)

    BalasHapus
  17. waow, semoga dapet novelnya bang.....

    BalasHapus
  18. ternyata ngasih review bisa juga di empang...

    BalasHapus
  19. aku habis baca the girls of riyadh. bagussss

    BalasHapus
  20. ::: hahahahaha,,,, bang Pendi kalo konslet malah seru yah... ini berkah yang unik lho... xixixi

    ::: bang Pendi kapan2 mampir lagi yah, comment yang kemaren bagus banget....

    ::: wied bakal selalu inget buat kasih dulu kepercayaan itu, baru dilihat dengap penilaian yang bermula dari positive thinking....

    ::: ini ada oleh2, pribadi tapi pastinya untuk dikenang... dateng ya bang Pendi ^_^ http://wiedesignarch.blogspot.com/2010/05/surat-untuk-mas-farid.html

    BalasHapus
  21. berkenan kok...
    berkenan....

    BalasHapus
  22. :::: foto2 hunting kota tua jakarta, satu hoobi ku yang lain http://wiedkaleidosko.blogspot.com/2010/05/fatahillah-dan-kota-tua-jakarta.html

    BalasHapus