Senin, 10 Mei 2010

SINGKONG BAKAR...BAKAR SINGKONG

Malem minggu kemaren, malem minggu yang apes buat bang Pendi ame si Jabrik. Die bedua kagak bise ngedet alias besukaan ame pacarnye. Kalo bang Pendi ngga bise kencan karena neng Siti masih ngambek ( gara-gara tukang jamu ) sedangkan si Jabrik gara-gara ceweknye ngambek disuruh dorong vespanye yang mogok saat menuju pertunjukkan dangdut. Jadi die bedua akhirnye cuman bise nongkrong dipinggir kebon sambil bakar singkong.
" Woiii..kagak usah dipikirin brik ! besok juga mati....lagian ngapain pake ngelamun, ayam gue kemaren mati gare-gare ngelamun..." kate bang Pendi sambil cengar-cengir.
" Sialan lu...! nyamain gue ame ayam. Gue lagi merhatiin bulan nih...jarang-jarang gue kayak gini " bales si Jabrik
" Eh..brik ! jangan pernah ngarepin indahnye cahaye rembulan kalo pikiranlu lagi kusut, ampe lagi kalo ngeliat mukale yang kusut...bise-bise indahnye akan sirna " kate bang Pendi lagi.
" Alaaaaa...sok puitis lu Pen...!"
" Ya..emang kudu begitu Brik ! walo kate orang gue ini sarap bin sableng tapi paling kagak gue punye sisi yang romantis..ye nggak !?"
" Percume aje elu romantis, buktinye si Siti masih tetep aje ngambek ame elu..."
" Masalahnye laen Brik...kalo soal cewe, elu mao romantis kayak ape juga kalo lagi besukaan cuma modal romantis kagak bakalan kenyang brik...! lagian kalo lagi besukaan mah..gue punye prinsip...less talk do more " celetuk bang Pendi.
" Lha...itu siapenye Demi Moore Pen..?" tanya si Jabrik
" Engkongnye...!! gitu aje kagak tau. Itu bahase Jawa Brik...yang artinye sedikit bicare banyak kerja. Ngerti kagak lu...!? " kate bang Pendi sambil cengengesan, si Jabrik cuman ngangguk-ngangguk aje kayak burung celepuk ( burung hantu ). Lagi enak-enak ngobrol sambil makan singkong dateng orang yang tampangnye kayak bang jampang. Pake peci item, baju item dan dipinggangnye keselip golok.
" Wah...kayaknye enak nih makan singkong bakar " celetuk ntu orang. Si Jabrik langsung mengkeret ketakutan tapi bang Pendi malah cengar-cengir.
" Oh..iye bang, bener-bener enak. Mao bang...? nih ambil dah...masih banyak kok singkongnye, tinggal nyabut..!" jawab bang Pendi cuek. Orang ntu cuman mesam-mesem aje terus ikut nimbrung makan singkong.
" Emangnye singkong ini punye abang ye ? enak dong kalo tinggal nyabut.." kate ntu orang lagi.
" Ya...bukan sih bang, tapi tenang aje..yang punye juga bakalan keder ( takut ) atawe paling juge die bise lari terbirit-birit ngeliat aye..." jawab bang Pendi masih dengan cueknye. Sedang si Jabrik mangkin mengkeret, die nyikut-nyikut badanye bang Pendi. " kenape sih brik..! lagi kebelet..?"
" Eh..iye nih Pen, gue kencing dulu ye..." kate si Jabrik dan langsung pergi pelan-pelan, padahal die seneng banget punye alesan buat kabur dari situ.
" Oh...yang punye singkong ini takut ye ame abang, emangnye abang ude tau yang punye siape...?" lanjut ntu orang.
" Ya...aye kagak tau juga sih bang...."
" Ya ude...kenalin ! gue Japra yang punye kebon singkong ini..." kate orang itu. Bang Pendi  kaget, singkong yang lagi die kunyah langsung mambur keluar. Muke bang Pendi langsung pucet, kakinye gemeteran...die celingak-celinguk nyari si Jabrik..." sialan nih si Jabrik, kagak bilang-bilang kalo ini orang yang punye kebon " bang Pendi ngedumel dalem ati. Die langsung bangun...niatnye mao lari
" Eh...mao kemane lu..! gantiin dulu nih singkong...enak aje lu maen cabut-cabut aje singkong orang. Elu pengen singkonglu gue cabut terus gue bakar...!!" bentak bang Japra sambil megangin kerah baju bang Pendi.
" Enyaaaaaaaaakkk..!!!" tereak bang Pendi sambil megangin celananye yang basah.

25 komentar:

  1. HUA HA HA H...suwe amat tuh si pendi. makanye jangan suka nyolong.

    BalasHapus
  2. :::: ahahahaha,,,, bang Pendi pipis di celana apa dipipisin apa bang Japra??

    ::: bang, jabrik kemana??

    ::: Bang, singkongnya kemana? boleh aye minta? tapi kali ini abang yang cabut yak, ane makannye aje... ^-^v

    ::: Si abang Pendi masih diambekin ama yayangnya?? trus Dibelain gak bang ama Tante Pendi?? ^-^v apa malah dibilang, "mangkenyeee", xixixixi

    BalasHapus
  3. HAHAHAHAHAAAA.......BANG PENDI SAMPE NGOMPOOOLLL....KKKKKKK....

    BalasHapus
  4. Wah jadi kepingin singkong bakar niy....., Singkong bakar atau bakar singkong ya....

    BalasHapus
  5. yang enak singkong goreng, tapi direbus dulu

    BalasHapus
  6. singkongnya membawa maut..hihihi...

    BalasHapus
  7. pesen singkongnyaa satuu engga pake lamaaa.. hahahhaaa... ^_______^

    uiih.. backsoundnyaaaa...

    BalasHapus
  8. Makanya.., jangan belagu dong Bang Pendi...
    Ternyata penakut juga hahaha

    BalasHapus
  9. ahakakak...si bang pendi nih, lagian sih, iseng banget ngaku yg punya kebon XD

    BalasHapus
  10. wow.. bang pendi bisa basa demi more juga? xixixix.
    udah baekan blom ama mpok siti?

    BalasHapus
  11. hahahah sukurin klo gt wkwkwk, di panggang aja tuh bang pendi :))))))

    BalasHapus
  12. Aku suka singkong bakar bang...

    BalasHapus
  13. singkongnya bang pendi dibakar??? gimana jadinya ya kalo sampe terjadi

    BalasHapus
  14. hahahaha bang pendi dasal masa ngompol sihhh gtu ajah

    BalasHapus
  15. Emang paling enak singkong bakar, malem-malem, sambil nongkrong n ngupi... dan singkongnye singkong Colongan! Kalo bukan singkong colongan nggak ade seninye kate orang...

    BalasHapus
  16. duh Bang Pendi, sial amat nasib loe

    BalasHapus
  17. wkwkwkwk... rasaijn thu bang pendi, ambil singkong orang seenaknya, yang punya malah suruh cabut aja, gantian bang jepra, bakar singkong bang pendi.. wkkwkwkwkw

    BalasHapus
  18. Hehe. Dasar bang pendi main embat singkong orang aja.

    BalasHapus
  19. Celana bang pendi basah knp ya???

    BalasHapus
  20. SIngkong Bang Pendi mau di cabut? emang bang pendi punya singkokng juga? ..........???@#?.>

    BalasHapus
  21. less talk do more..??? talk less do moer kaleeee bang...

    selamat buat si jabrik yang berhasil kabur.. *lohh..?*
    wkwkwkwkwkwkw...

    BalasHapus
  22. Non Ieyaz : nah...itulah hebatnye bang Pendi, bahasenye laen daripade yang laen...he...he

    BalasHapus
  23. jadi,,, jualan singkong nih ceritanya???
    wekekekeke

    BalasHapus