Halaman

Senin, 17 Mei 2010

OBROLAN DI WARUNG KOPI ( 19 )



BULU AYAM....BULU TANGKIS


Si Jabrik    :   Wah...maen bulu tangkis, badan pade pegel-pegel juga ya Pen..! Pegelnye ampe ke pantat-pantat, jalan gue ampe ngegang kayak mentok nih...( kate si Jabrik sambil cengengesan sendiri )

Bang Pendi  :   Elu sih...maen grabag-grubug kayak nangkep ayam ! Orang mah...maen kayak gue, sekali-sekali maen kalem kayak pak SBY...maen dropshot atawe maen netting. Sekali-sekali boleh maen ganas atawe maen smes , tapi jangan asal smes...bise-bise kepala orang pade ilang  ( bales bang Pendi sambil ngeganyem pisang goreng )

Bang Mamat  :   Mangkanye Brik..! kalo maen bulutangkis jangan musiman kayak maen layangan. Orang-orang rame ngomongin bulutangkis, elu baru pade maen....nah besok rame piala dunia gue rasa elu bedue pade demen maen bola...

Bang Pendi   :   Abis kayaknye gemes bin geregetan bang, pemaen Indonesia kalah mulu !! Lagian kagak enak kalo cuma jadi penonton....aye juga takut..

Mpok Mumun  :   Lha....takut apaan Pen...!? ( tanye mpok Mumun keheranan )

Bang Pendi   :   Yah...mpok, kayak kaga tau aje ! kalo nonton pan kite ngeliatin kok ( shuttlecock ), kalo koknye kekiri kite nengok kekiri...kalo kekanan kite nengok kekanan. Lame-lame leher bise kecengklak...! ( keseleo ). Asal tau aje mpok...walo ngetopnye dari Inggris tapi sebenernye asal muasal bulutangkis itu pan dari India. Mpok pan tau...orang India kalo ngomong godek-godek gitu kayak wayang golek, nah...ntu gare-garenye kebanyakan nonton bulutangkis ( kate bang Pendi sambil cengar-cengir, semua pade ngakak ngedengernye )

Mpok Mumun  :   Bise aje lu Pen...! orang India ngomong kayak gitu emang ude dari sononye. Eh...ngomong-ngomong elu bedue maennye pake ape, masih pake potongan triplex..? ( tanye mpok Mumun sambil cekikikan )

Si Jabrik   :   Ye...sembarangan aje, pake triplex...! kite-kite ude punye raket sendiri mpok. Nih..kalo ngga percaye liat raket punye aye... (sambil ngeluarin raket dari tas )

Bang Mamat  :  Coba gue liat Brik...!! Jiaaaahhhh...mereknye kok Bonex !? bukannye Yonex Brik....( bang Mamat heran bercampur geli, bang Pendi cuman cengengesan aje )

Si Jabrik    :   Ntu laen bang...! kalo Yonex aslinye pan dari luar negri, nah..yang ni asli buatan Surabaya ( kate si Jabrik sambil nguyup kopinye )

Mpok Mumun  :   Jiaaahhh...kayak singkatan bondo nekat pendukung Persebaya dong ! ade-ade aje lu Brik...( cekikikan lagi )

Si Jabrik   :   Ya...bise aje mpok ! mungkin aje yang punye pabrik atawe karyawannye emang anak-anak mude pendukung Persebaya. Iye ngga Pen...!?

Bang Pendi   :   Iye...betul tuh mpok...! jangan sangke anak mude cuman bise bikin rusuh doang, anak mude juga bise kreatif dan inovatif. Kayak aye nih...bikin kok sendiri pake bulu-bulu ayam. Liat...kreatif pan...!? ( sambil cengar-cengir nunjukin kok yang bulu-bulunye item )

Babe Jupri   :   Kreatif palelu bau menyan...!!! nih...liat kerjaaanlu....ayam gue jadi pade bugil semua. Tanggung jawab lu...!! ( bentak babenye bang Pendi yang tiba-tiba nongol sambil nenteng-nenteng ayam yang lagi meringkuk malu...he..he. Bang Pendi langsung pucet, yang laen juga kaget. Kopi yang lagi diuyup bang Mamat langsung muncrat kena mukanye si Jabrik. Mpok Mumun langsung mendek atawe ngumpet  di belakang meja sambil nahan-nahan tawa ). Pulang...lu...!! bentak babe Jupri lagi sambil narik kupingnye bang Pendi.

Bang Pendi   :   Ampuuun...be ! ampuuuuuun.....( tereak bang Pendi sambil meringis-ringis, pas babe Jupri ude keluar dari warung semua pade ngakak. Si Jabrik ngekek sambil ngelap mukanye yang kena sembur kopi  )

Mpok Mumun  :   Ya...ude gantian aje be...!! cabutin aje tuh bulunye si Pendi ( tereak mpok Mumun dari dalem, bang Mamat ame si Jabrik ngakak lagi )


( Besok-besok orang Indonesia kalo bikin shuttlecock  jangan dari bulu ayam, nanti kalo maen keseringan...." Keok...! Keok....! Keok....!"  he..he..he )

32 komentar:

  1. hahahaha...
    bisa2 aja bang Pendi...
    kreatip bgt...
    jadi dicabutin kagak tuch bulu bang Pendi hihi...
    Hajar Beeee... *kabur*

    BalasHapus
  2. cock merek bonex, hahahhaaa...ada2 aja nih...
    eh, jd inget jg dulu maenpakek potongan triplek... hahaha....

    BalasHapus
  3. Hahaha... jadi itu sebabnya mengapa tim Indonesia keok dalam bulutangkis..? ada2 aja... :D

    BalasHapus
  4. Sekalinya si Pendi kreatif... malah bikin babenya marah... hahaha

    BalasHapus
  5. hehehe
    mantap2
    tapi.......

    BalasHapus
  6. kasian amat tuh ayam....eh emang "kok" dibikinnya dari bulu ayam yah?????

    yah lumayanlah juara dua sedunia daripada ga ada prestasi kaya pssi hehhehe

    BalasHapus
  7. Hahaaa sijabrik main bulu tangkis, kayak nangkap ayam ya bang?

    BalasHapus
  8. wkwkwkwkwkkw...
    bang pendi emang paling bisa deh bikin orang ketawa...

    idenya mpok Mumun boleh juga tuh...
    hahaaa.. :P

    BalasHapus
  9. jadi inget masa kecil, main badminton raketnya dari triplek atawa pake piring dari seng. hehehe...

    BalasHapus
  10. jadi joget2 nih mampir kemari. ada lagunye soalnye. hehehe..
    btw, si pendi keterlaluan deh masa ayam dibikin bugil. emang miyabi? hahaha

    BalasHapus
  11. hahaaa....keren iaah kalau di jadiin synopsis film atau sinetron..

    pengn liat mukanya bang pendi sama mpok mumun ^______^

    BalasHapus
  12. hahahahahha ...bulu keteknya ama kumisnya aja yang dicabutin....biar kapok!

    BalasHapus
  13. Mampir berkunjung sobat...salam kenal dan di tunggu kunjungan baliknya... ^_^

    BalasHapus
  14. salam sobat
    baru tahu kalau orang India godak-gedek gara2 sering nonton bulutangkis.
    bisa aja bang Pendi.

    BalasHapus
  15. bang Pendi
    ada tag n award di blogku
    ambil yah ^^

    BalasHapus
  16. ha..ha..haha.... ada-ada aja. Kasian tu ayamnya bang pendi jadi nggak punya baju, tega bener ambil bulu dari ayam hidup. Makanya pertandingan bulu tangkis cuman diadakan setahun sekali. kalau berkali-kali ya harus ternak ayam dong, he..he...hehe...

    BalasHapus
  17. Bang Pendi bisa aje... abis kalo gak dari bulu ayam dari ape dong Bang? dari bulu Srigala? ntar jadi MOZILLA ... wkwkwkwkwk keok...keok... tapi semangat terus tuk Timnas Indonesia, kita 'kan cuma becanda ya Bang ...???

    BalasHapus
  18. yah klo kok nya pake bulune si pendi, ga jadi kok lagi dung jadi bikin pingsan yang maen kan bau heheheh

    BalasHapus
  19. jiyahahaha9
    ada-ada aja.
    bener tuh kata mpok mumun, gantian aja tu bang pendi dicabutin bulunya, ngakngakngak

    BalasHapus
  20. ok mending make bulu landak ya bang wk wk wk

    BalasHapus
  21. jago kagak raket putus senar nya semua

    BalasHapus
  22. hehehe,emangnya bang Pendi buluan juga?Kaya ayam?hihih

    BalasHapus
  23. hahahha
    setuju ma munir ardi bang mending pake bulu landak hehehhhe

    BalasHapus
  24. wakwkakwa
    ada ada ajah
    tapi mpok mumun boleh juga nuy
    gagasanya
    :D

    BalasHapus
  25. wakwkak
    pake bulu domba ajah
    ckckkckc
    :D

    BalasHapus
  26. hohoho.. kreatip,
    pantesan ajah indonesia kalah ya, soalnya kok nya dari ayam,
    raket bonex nya boleh juga,tapi aku mau raket yang salam satu jiwa ajah, hehehe..

    salam kenal ya bro, ditunggu kunjungan baliknya, :)

    BalasHapus
  27. makasih kunjungan baliknya, q udah pollow, :)

    BalasHapus
  28. Hahaha.......KLo pake bulu buaya lebih seru tuh Sob(ada bulunya apa tuh buaya???)......tapi ane Kecewa bgt sm tim Thomas N Uber kita yg udah kalah semua Sob....huwaaaaaa........padahal udah tak pantengin tuh TV dari awal mulai sampe abiz tetep aja kalah semua......

    BalasHapus
  29. ade ade aje si jabrik ,masa badan pegel ampe ke pantat ha ha

    BalasHapus
  30. bang, aye ude daftar jadi follower saraper's ala bang pendi..

    ini daftar jadi follower sambil nonton bang pendi kabur lihat ayam bugil...hihihi...

    BalasHapus
  31. qiqiqi... tapi jadi mikir juga ya, bnere dari mana asal badminton ya trus napa juga yang dipake bulu ayam buat kocknya, napa engga bulu angsa atau bulu merak gitu hihihih... ngga tega ngebayanginnya kalo meraknya bugil

    BalasHapus
  32. masih untung bulu ayam, coba bulu dari badan babe jupri hihihi

    BalasHapus